Lucas 17:1 - Porciones del Nuevo Testamento

¹ Jesúsbara izha jʉrʉkuadꞌaa mawũãsia: Kꞌazhiruadꞌe bꞌaebidꞌa ẽã nʉmaĩrã ne ẽã, mawũãmina, ¡Daizezebara pua kꞌawua oya zhãrãta kꞌazhiruadꞌe bꞌaebibʉrʉra!

Lucas 17:1 Eitobir Enkop

Mateo 18:7

¡Naʉ̃ ẽjũãne bꞌera zuburia bꞌea kꞌazhiruadꞌe bꞌaebibadata nʉmʉneba! Kꞌazhiruadꞌe bꞌaebibadara nʉmaña, mawũãmina Daizezebara zuburia oya zhãrãta kꞌazhiruadꞌe bꞌaebibʉrʉra.

Romanos 14:13

Maʉ̃ba ya wueta zhiya zhi jaradꞌa ẽã, awuarabʉrʉ krĩchaudua tẽnedrʉbidꞌa ẽbaita o bꞌaebidꞌa ẽbaita mebeata.

Romanos 16:17

Mebẽrã, mʉã marãã jaraya, kĩrãkuitaudua zhãrãta awuara krĩchabi bꞌe kꞌareara, aramaʉ̃ne bꞌaebi bꞌeta ũrãgꞌata ãña jara bꞌea marãba kꞌawadꞌapeadꞌa kꞌãñabara. Ãzhi bawara arãũdua.

Mateo 16:23

Mawũãĩ Jesús pʉrʉwape Pedroa bedꞌeabʉrʉ kĩrãkꞌa mawũãsia: Ãĩ wãrũã mʉ kĩrãbitaubara ãtõmiã. Bʉara mʉrã bꞌaebiya nʉmʉã, bʉra krĩcha ẽã Daizeze kĩrãkꞌara, awuarabʉrʉ krĩcha bꞌʉa beubari bꞌe kĩrãkꞌa.

Lucas 16:31

Mawũãĩ Abrahambara mawũãsia: Ũrãgꞌa Moisédꞌeta, ũrãgꞌa Daizezeba bedꞌeata jarabibarirãneta ũrĩna ẽbʉrʉ, ĩjãna ẽbaya iabꞌa beudꞌata piradrʉbʉrʉsidꞌa.