Hechos 11:18 - Porciones del Nuevo Testamento

¹⁸ Maʉ̃ta ũrĩbʉdadꞌera chupeadꞌape Daizeze ibia jara mawũãsidꞌa: ¡Mawũẽ Daizezebara idaribibʉrʉa judío ẽãta bꞌebidꞌa kꞌazhiruara ãmape izhita pẽwãnamarẽã, aramaʉ̃ne jidadꞌamarẽã izhi ũme bꞌai jõ ẽãta!

Hechos 11:18 Eitobir Enkop

Hechos 20:21

Judíorãã, judíorã ẽãta bꞌea jarasia kꞌazhiruara ãmape Daizezeta pẽwãnamarẽã, ĩjãnamarẽã dazhirã Nokꞌo Jesucristodꞌebemata.

Hechos 5:31

Jesús Daizezebara izhi juwua araare Nokꞌota bꞌʉsia zhãrã Ẽdrʉbita. Aramaʉ̃ne Israel bꞌebara kꞌazhiruara ãmape izhita pẽwãbʉdaba bedꞌea ne ẽã duanebiita kꞌazhiruata biodꞌeba.

Hechos 21:20

Maʉ̃ta ãzha ũrĩbʉdadꞌera Daizezera ibia jarasidꞌa. Mobe Pabloa mawũãsidꞌa: Akʉbꞌʉe mebea, judíorãnebema mil bio bꞌʉa Jesúsdꞌebema ĩjãbʉdata, jõmaʉ̃ba aribꞌae bꞌea Moisé ũrãgꞌata.

Hechos 3:26

Naara Daizezebara zhi Warra marãma zokꞌasia marã bia bꞌeabimarẽã, aramaʉ̃ne idu bꞌʉdꞌamarẽã bia ẽãta obꞌeta.

Romanos 9:30

¿Mawũẽ kꞌasia adꞌaipe? Judíorã ẽãrã bedꞌea ne ẽbaidꞌebemane nʉme ẽãta, Daizezebara bedꞌea ne ẽã bꞌʉkua nʉmʉã Cristodꞌebemata ĩjãbʉdaba.

Hechos 15:3

Ãzhita mebẽrãba mawũã wãbibʉdadꞌera Fenicia druadꞌe Samaria druadꞌe jara berabꞌarisidꞌa judíorã ẽãba Jesúsdꞌebema ĩjãnapeadꞌata, maʉ̃neba kꞌãbãẽã sobiasidꞌa mebẽrã jõma.

Hechos 14:27

Jũẽnape mebẽrã ãba jʉredꞌape jarasidꞌa Daizezeba ne bia zroma odꞌata ãzhi bawara, aramaʉ̃ne sãwũã ewa nʉminapʉta Jesúsdꞌebema ĩjãnamarẽã judíorã ẽãba.

Hechos 11:1

Jesúsba zokꞌakuadꞌabara mebẽrã Judea druadꞌe bꞌebara ũrĩsidꞌa mawũã judío ẽãta bꞌebidꞌa ĩjãbʉdata Daizeze bedꞌeara.

Hechos 3:19

Maʉ̃ba kꞌazhiruara ãmape Daizezeta pẽwãũdua, bedꞌea ne ẽã duanebimarẽã kꞌazhiruata biodꞌeba. Mawũãrã Nokꞌo Daizezebara sobiadꞌai ewarita zebibʉrʉta,

Mateo 9:8

Zhãrãba maʉ̃ta ũdubʉdadꞌera bia akʉdrua Daizeze ibia jarasidꞌa maʉ̃ zareata diasi baera beubari bꞌea.