1 Samuel 1:23 - Las Escrituras en Ashéninka Ucayali del Sur

²³ Ari ikantanaki Elcana: “Pimatero kameetha-tzimo-tzimiri eeroka. Aritaki pijeekawaki roojatzi rookanta-kyaawori iteni eentsi. Okamintheeya imonkaatiro Tajorentsi okaatzi ikowakiri rantiri.” Ari okantaka, tee iyaatzi roori, roojatzi ikimota-tantakari otomi, ookakaakiri iteni.

1 Samuel 1:23 Eitobir Enkop

Lucas 11:27

Tekira ikaatero iñaawaetzi Jesús, okaemanaki apaani tsinani ojatekaen-chari ipiyotakaha atziri, okantzi: “Ari itajonka-wentee-teero iroka tsinani tzimakimiri, antaritantakimiri othoteemi.”

Mateo 24:19

Ashironkamatsiteroni okaate motzita-tsini, eejatzi tzimayita-tsiri eentsite eenirowa ithoyitzi iteni!

Mampaantsi 22:9

Tema eeroka kantakaakawo notzimantakari omotzitakinaha ashitanari. Eeroka kantakaakawo nawentaan-tzimiri eenirowa nothotzi noteni.

1 Samuel 1:17

Ari rakanakiro Elí, ikanta-nakiro: “Piyaatee kameetha, ari imatakimiro Itajorentsite Israel okaatzi pikowako-takiriri.”