Iroma 3 - Osotua Ng'ejuk

¹ Kaa dupoto eata Yudayoi? Anai kedupa sa emurata nyoo?

² Edupa naleng' tʼorregie pookin. Ore tʼenkiterata, eishooki ninje rorei lʼEngai.

³ Kake teni eitu eiruk kulekai, keibelekeny eanyata enye enkirukoto Engai?

⁴ Me neijia. Njoo Engai metisipai neaku oltung'ani pookin olalejani, anaa petisiraki: pekintaai supat too rorei linono nigilu tʼenkata nikingwenakinyeki.

⁵ Kake, teni eitabaia mesupato ang' esupato Engai, kijo nyoo? ke Engai nemera supat, tiaraki nagoro? (Airo tʼorregie loo ltung'anak.)

⁶ Me neijia. Amu kaji eiko ten eidim Engai aigwenaki olmaa?

⁷ Amu teni epon elejare ai esipata Engai neaku nʼenkitook enye, ainyo paaigwenakini ade anaa olaitarruoni?

⁸ Meikash pekinko anaa pemori yook neimaki yook kulekai pekijo yook: maitobira ntorrok, peaku ade sidan? ore earata natum ninje, neitoriori.

⁹ Ainyo naa? Kidupo yook aalang' ilkulekai? Me neijia katukul. Kitang'asa duo aaitadolu, aajo etii pokira are, Yudayoi o Ilgrikini, tiabori oo nkitarruot,

¹⁰ anaa petisiraki: Metii olora supat o obo,

¹¹ nemetii oltung'ani ng'en nemetii oloing'oru Engai.

¹² Amu etalamate pookin neaku pookin serserin, nemetii oloitobir sidan o obo.

¹³ Ore olgos lenye, naa enkurare nabolo, eiro too lng'ejepa lenye elejare, netii esayet oo lasuria tiabori oo njonito oo nkutukie enye,

¹⁴ nebore enkutuk enye endiata o enduaran,

¹⁵ nekwet ngejek enye aaibukoo osarge,

¹⁶ netii enkiminata o osina ngoitoi enye,

¹⁷ nemeyolo engoitoi eseriani,

¹⁸ nemeata enkuretishu Engai tʼengomom oo ngonyek enye.

¹⁹ Kiyolo, aajo enalimu nkitanapat, neliki kulo ootii atua nkitanapat, peiye enuki enkutuk pookin, neauni oltung'ani pookin atua enkigwena Engai;

²⁰ Amuoretoo nkitobirat oo nkitanapat, meitaai supat enkiring'o o nabo tʼengomom enye. Amu too nkitanapat elotu eyolounoto oo nkitarruot.

²¹ Akae, etalie taata esupato Engai, metii nkitanapat, naijakenuoki too nkitanapat o too layolounok,

²² esupato Engai nataa tʼenkirukoto e atua Yesus Kristos tiatua pookin looiruk. Amu metii ene erishata:

²³ eitarruoitie ninje pookin neitong'or enkitook Engai

²⁴ neaku supati pesho, tʼeng'adunoto enye, tʼelakunoto tiatua Kristos Yesus

²⁵ loitera apik Engai, peaku enkidasare enkitobirakinoto tʼenkirukoto tiatua osarge lenye, peaku olponoto lʼesupato enye tʼenkitaunoto oo nkitarruot, naatobiko metabaiki taata tiatua olng'iria lʼEngai,

²⁶ peaku olponoto lʼesupato enye tʼena kata e taata, peaku ninye supat neitaa supat oloiruk Yesus.

²⁷ Akae, kaji etii enkitadararoto? Eitaiyoki. Ke ti aa kitanapata? Noo nkitobirat? Me neijia, kake tʼenkitanapata enkirukoto.

²⁸ Onaa kijo yook, aajo eitaai oltung'ani supat tʼenkirukoto, metii nkitobirat oo nkitanapat.

²⁹ Ore Engai, ke Engai oo Yudayoi ake? Me Engai oo loreren lemeyolo ninye si? Ee, baiki noo lelo oreren.

³⁰ Tiaraki naa Engai nabo, naitaa supat lʼemurata tiatua enkirukoto o lememurata tʼolbae lʼenkirukoto.

³¹ Ke kinturraa nkitanapat tʼolbae lʼenkirukoto? Me neijia, kake kintasheye nekua kitanapat.