Iroma 1 - Osotua Ng'ejuk

¹ Paulos, osinga le Yesus Kristos, oipotoki metaa olairriwani, netegeluaki peinosu lomon sidan lʼEngai,

² ootang'asa Engai aisilig too layolounok tiatua esirata sinyati,

³ tʼolbae lʼOinoti lenye, otoiwuoki tʼeishoi e David tʼempukunoto oo nkiri,

⁴ neitaduaki tʼengolon, ajo era Oinoti lʼEngai tʼempukunoto Olmumua osinyaa, neba empiunoto too lootuata, lora Yesus Kristos, Olaitoriani lang'.

⁵ Kinoto te ninye engaripo o enkirriwaroto, penyor aairuko loolamita Engai pookin Tengarna enye,

⁶ nirara si ndai tiatua lelo ooipotuo Yesus Kristos: —

⁷ enitiiti ndai pookin ootii Roma, loonyor Engai, ooipotoki metaa sinyat. Njebikie ndai eng'adunoto o eseriani naing'ua Engai Papa lang', o Olaitoriani lang' Yesus Kristos.

⁸ Ang'as aliki Engai ai ashe, tiatua Yesus Kristos tʼolbae linyi pookin, tiaraki nalikiori enkirukoto inyi tiatua olmaa pookin.

⁹ Amu ore Engai naisyayaki tiatua Olmumua lai nalikioo lomon sidan lʼOinoti lenye, naa ninye oljakeni lai, padamu oshi ake ndai

¹⁰ tiatua sayat ainei, naomonu anake eaku, palotu enitiiti, teni eyeu Engai.

¹¹ Amu ayeu naleng' nadol ndai, patum aishoo ndai enkishooroto emumuaishu, aitagol ndai,

¹² eji paailejileji nanu te nebo o ndai tʼenkirukoto inyi o enai, nikiatakino.

¹³ Mayeu nimiyololo ndai, lalashera, ajo aibung'a aigil kumok alotu enitiiti, naamitikini metabaiki taata, patum ilmomo baiki tiatua ndai, anaa baiki tiatua kulekai oreren.

¹⁴ Aata nanu esile oo Lgrikini o noo nkwapi, noo lang'eni o noo lemera lang'eni.

¹⁵ Ore te nanu aitobirakine, painosaki si ndai tiatua Roma lomon Peng'ida.

¹⁶ Amu makurru nanu too lomon Peng'ida le Kristos; amu era ninje engolon Engai, peaku enkitopuata oltung'ani pookin oiruk, ang'as en Oyudayos neitoki en Olgriki.

¹⁷ Amu eboluni tiatua ninje esupato Engai naing'ua enkirukoto nejing atua enkirukoto, anaa petisiraki: Elaishiu osupat tʼenkirukoto.

¹⁸ Amu etabolokoki engoro Engai naing'ua shumata entorroni pookin o empaashata esupato oo ltung'anak looibok esipata tiatua empaashata esupato,

¹⁹ amu enayolouni tʼEngai neibala too ninje; amu eitadua Engai ninje kuna.

²⁰ Amu eyolouni ntokitin enyena nemelio, nera enkidimata enye oo nkatan pookin o engaishu, tʼenkitobirata olmaa, nelioi too nkyasin enyena; onaa, meata ninje emitunoto.

²¹ Tiaraki natayoloutuo Engai, kake eitu eitadaraa ninye anaa Engai neitu eliki ashe; kake eibelekenyate tiatua ndamunot enye, neitoipoki iltauja lenye aaku enaimin.

²² Nejo aten aa ng'eni, neaku ninje moda.

²³ Neibelekeny enkitook Engai nemeata erruoroto naitanyanyukie emua oltung'ani loata erruoroto, o en oo ntaritik, o en oo ng'wesi oo nkejek ong'wan, o en oo ng'wesi naaikurtutari.

²⁴ Akae, eitarasaka Engai ninje tiatua ilng'warrat loo ltauja lenye atua olduruki, peitobir aten too seseni lenye nʼenkurruna.

²⁵ Amu ninje ooibelekenya esipata atua elejare, neitaa kitok neisyayaki enkitobirata aaitalang' olaitobirani, oitadarari nkatan pookin.

²⁶ Onaa, eitarasaka Engai ninje atua ilng'warraitin lʼenkurruna, amu ore ng'oroyok enye eibelekenya orregie oishiaakino aaitaa orregie lemeishiaakino;

²⁷ neijia si eikuna leak, etung'aitie orregie oitoriori te nebo o eng'oroyoni, neinokino aten too lng'warraitin lenye, leak o leak, neas mbaak enkurruna, netum olkwaje orisiore enkiminata enye.

²⁸ Neijia anaa petanyaita aatayolou Engai, neijia eitarasaka Engai atua ndamunot naariwuo metaasa enemeitoriori,

²⁹ neigany mesupato pookin o entalare o empiani o entorroni, loobore olom, earata metua, enjangar, olosek, esayet, enkisuro,

³⁰ looiteeniki, looiba Engai, looitai loikop, loowuasa, looilash, looiminye, lemening' lootoiutuo ninje,

³¹ lootolo, lemeibung' osotua, lemeata enyorrata, lemeing'uaikino, lemeata engoshoke nanana.

³² Eyolo ninje esupato Engai, aajo ore kulo looas nona, nenarikino enkea, kake neme ninje oopeny ooas, eshipakino baiki ilkulekai ooas.