2 Ilkorintio 10 - Osotua Ng'ejuk

¹ Ore nanu, Paulos, adiding ndai tʼengaripo o tʼemborran e Kristos, lara oti, teni atii e nebo o ndai, kake ore alamita ndai, napi too ndai.

² Kake asai ndai, emikisis, papiju atii e nebo o ndai, naiteunore te ina golon naaikenaki nanu iltung'anak, looje, loojo kilimana anaa peyeu nkiri.

³ Amu ten ake kipuo tiatua nkiri, nimikiara too nareta oo nkiri.

⁴ Amu ore nareta ang', nemera noo nkiri, kake eata engolon tʼEngai, pikirratanyie naaikarraro.

⁵ Kintadou ndamunot o engadoro pookin naapare eyolounoto Engai, nikiaru eng'eno pookin aitaa singan, pening' Kristos.

⁶ Kindipakino, pikilaaki eanyata pookin, teni etabaiye ening'oto inyi.

⁷ Amaa, ing'oraara ndai mbaak naatii oriong'? Teni etii oltung'ani ong'idare kion ajo ninye le Kristos, njeitoki adamu si ninye ena, ten aa ole Kristos ninye, nikira si yook.

⁸ Ore ten emutu apon aitadararie kion engolon ang' naishoo yook Olaitoriani mateshet ndai neme tʼenkiminata, anaata makurru;

⁹ pamatiu anake ayeu naiture ndai too mpala.

¹⁰ Amu, ejo, eiroshi mpala enyena, neitoki aata engolon; kake teni etii ninye tʼosesen, neshal nemeata enaidim ororei lenye.

¹¹ Ore olotiu neijia, njedamu ena, ajo anaa pikinkununo too rorei oo mpala teni mikitii, naa neijia si kitiu yook tʼenkyas ang', ten aa kitii.

¹² Amu mikinteu aatipik aten esiana oo lelo ooitadaraa aten nimikintorisiore ninje, amu tiaraki naitorisiokino aten o aten neiken aten anaa iltung'anak loora, nemeyolou toki.

¹³ Ore yook, mikintadaraa aten aalang' entemet, kake anaa perisiore entemet e ilo rregie otetemaka Engai yook, pekibaiki si enitiiti ndai.

¹⁴ Amu mikilusoo yook naleng', anake eitu kibaiki enitiiti ndai. Kindipa aatabaiki ndai tʼeuangelion e Kristos.

¹⁵ Nimikintadaraa aten aalang' entemet tiatua nyamalareitin oo lkulekai, nikiruk, aajo teni ebulu enkirukoto inyi tiatua ndai, pekipon yook tʼorregie lang',

¹⁶ nikinosaki euangelion si kulo oomanya idya matua too ndai, nimikintadararie aten nona naaitobiraki tʼorregie loo lkulekai.

¹⁷ Kake ore Oloitadaraa kion, njeitadaraa tiatua Olaitoriani.

¹⁸ Amu mera ele supat, loitadaraa kion, kake teni eitadaraa Olaitoriani ninye.