1 Ilkorintio 5 - Osotua Ng'ejuk

¹ Eitoning'oro ororei ajo etii entalare atua ndai, anaa pemeba nji tiatua lemeata Engai, neji eama obo eng'oroyoni e menye lenye.

² Niwuasasa ndai, neme injirishiri, peitupukuni olotaasa ina tiatua ndai?

³ Kake ore nanu, lematii tʼosesen e nebo o ndai kake tʼolmumua, aidipa aigwenaki anaa Olotii ilo otaasa nji,

⁴ peiye, teni itumomo lʼengarna Olaitoriani lang' Yesus Kristos, eitarasakini ninye tʼolmumua lai o tʼengolon Olaitoriani lang' Yesus Kristos satan,

⁵ aitarruo enkiring'o, kake pepok Olmumua tʼengolong' Olaitoriani Yesus.

⁶ Me sidai, neijia anaa pintadaraara aten. Miyololo ndai, aajo eisiijie enkiti kisiijoi entapa pookin?

⁷ Akae, entau tiatua ndai ina kisiijoi musana, pitumutumu aataa entapa ng'ejuk, neijia anaa pemekure etii enkisiijoi atua ndai. Amu eidasaiyeki embalelo e pasaka ang', nera Kristos.

⁸ Onaa, maitaa ngolong'i kituak, me tiatua enkisiijoi musana, neme tiatua enkisiijoi emalmalishu o entorroni, kake tiatua neitu eisiijoi esidano o esipata.

⁹ Atisiraka ndai tiatua empalai, pimimbung'arere looas mbaak torrok oo nkiri.

¹⁰ Majo ina tukul too looas mbaak torrok oo nkiri lʼele maa, arashu too lʼempiani o laisimak o looisyayaki muain, amu te ina meata kata niming'uang'ua olmaa.

¹¹ Kake atisiraka taata ndai, pimimbung'arere oltung'ani oipoti olalashe, teni era ninye oloas mbaak torrok oo nkiri, ana ol empiani, ana oloisyayaki muain, ana olamoroni, ana olaisimani. Eming'arie oloba nji endaa si.

¹² Ara nanu ng'ai, paigwenaki lootii boo? Nimingwenakiki lootii atua?

¹³ Ore kulo ootii boo, neigwenaki Engai. Ore si ndai entau oltung'ani torrono tʼempolos inyi.