1 Ilkorintio 16 - Osotua Ng'ejuk

¹ Ore tʼolbae lʼesotore oo ngoshola, peishori sinyat, enkuna neijia anaa paitanapa si sirito naatii Galatia.

² Tʼengolong' elukunya enjuma pookin, njepik pookin too ndai neshumaki kion enanyorru, pemetii enkitaunoto oo ngoshola, teni alotu.

³ Ore teni abau, nairriwaa lelo ligelulu ndai oopeny, te nebo o mpala, peaki ninje nkishoorot inyi Yerusalem.

⁴ Ore teni enare nalo si nanu, nepuo ninje te nebo o nanu.

⁵ Kake alotu enitiiti ndai, teni aimua Makedonia, amu aimu Makedonia.

⁶ Abik too ndai enkiti kata arashu si enkata oloirujuruj, pekintarere ndai nanu ewueji enalo nanu.

⁷ Amu mayeu naduare ndai taata tʼolototo lai, kake ajo nanu alabik enkata naje te nebo o ndai, teni enyorru Olaitoriani.

⁸ Kake abik te Efesos metabaiki Pentekoste,

⁹ amu aatabolokoki enkishomi kitok naau ilmomo kumok, netii si ilmang'ati.

¹⁰ Teni elotu Timoteos, eng'orai, peton te nebo o ndai metii enkuretishu; amu eitobir enkyas Olaitoriani anaa nanu openy.

¹¹ Njoo memen o obo ninye. Entario ninye tʼeseriani, pelotu enatii; amu aanyita ninye te nebo o lelo alashera.

¹² Ore tʼolbae le Apolos, olalashe lang', entayolo, aajo atididing'a ninye naleng', pelotu enitiiti ndai te nebo o lalashera; kake eitu eyeu nelotu taata, kake elotu teni etumoki.

¹³ Enjololoto, entasheito tʼenkirukoto, nitiuu anaa leak, entagol!

¹⁴ Entobira ntokitin pookin tʼenyorrata.

¹⁵ Aitadamu ndai, lalashera, piyolouu engaji e Stefanos, amu ninje ilmomo lʼelukunya te Akaya nepik aten atua enkisyayare oo sinyat.

¹⁶ Entoning' ninje ooba nji o pookin looitobir enkyas nenyamalu te nebo.

¹⁷ Ang'ida tʼolbae lʼelotunoto e Stefanos o Fortunatos o Akaikos; amu ore pookin natong'oro too ndai, eitabaitie ninje.

¹⁸ Amu eeng'ieng'ie Olmumua lai o ilmumuan linyi; akae, entayolou ootiu neijia.

¹⁹ Eiroroki ndai sirito naatii Asia. Eiroroki ndai naleng' tiatua Olaitoriani Akwila o Priskila te nebo o esirit tʼengaji enye.

²⁰ Eiroroki ndai lalashera pookin. Erorokinoto ndai aten tʼeng'ututata sinyati.

²¹ Ore nanu, Paulos, airoroki ndai tʼengaina ai.

²² Ore oltung'ani pookin lemenyor Olaitoriani, njeaku anatema. Maran ata (eji: njedeki. Wou, Olaitoriani lang'.)

²³ Njeboitare ndai eng'adunoto Olaitoriani Yesus Kristos.

²⁴ Ore enyorrata ai, njeboitare ndai pookin tiatua Kristos Yesus. Amen.