1 Ilkorintio 12 - Osotua Ng'ejuk

¹ Mayeu, lalashera, pimiyololo mbaak emumuaishu.

² Iyololo, aajo itang'asa aaku lemeata Engai, nipuopuo enetii muain nemeiro, anaa petorikoki ndai.

³ Onaa, aitayolo ndai, ajo metii oltung'ani loiro tiatua Olmumua lʼEngai ojo: Njedeki Yesus! Nemetii oloidim atejo: Olaitoriani Yesus! neme tʼOlmumua Sinyati.

⁴ Etii rishat oo nkishoorot, kake etii Olmumua obo;

⁵ netii rishat oo nkisyayareitin, kake etii Olaitoriani obo;

⁶ netii rishat oo nkitobirat, kake etii Engai nabo naitobir pookin tiatua pookin.

⁷ Eishori oltung'ani pookin enkitaduaroto Olmumua, peaku endupoto oo pookin.

⁸ Amu eishori oltung'ani obo tʼOlmumua ororei lʼeng'eno, o olekai ororei lʼeyolounoto, tʼele Mumua ake,

⁹ o olekai enkirukoto tiatua ele Mumua, o olekai nkishoorot enkishiunoto tiatua Olmumua obo,

¹⁰ o olekai enkidimata oo ngoloni, o olekai eyolounoto e akenya, o olekai enkitooroto oo lmumuan, o olekai nkutukie kumok, o olekai enkitaalata oo nkutukie.

¹¹ Neitobir kuna pookin Olmumua obo orisio neoriki oltung'ani pookin anaa peyeu ninye.

¹² Amu neijia anaa pera obo osesen neata rubat kumok naa rubat pookin nʼosesen obo, teni era ninje baiki kumok, naa n'osesen obo ake: neijia baiki Kristos.

¹³ Amu eibatisaki yook pookin tʼOlmumua obo, pekiaku osesen obo, ten aa Yudayoi, ana Ilgrikini, ana singan, ana loolakuno, neitooki pookin atua Olmumua obo.

¹⁴ Ore si osesen, nemera erubata nabo, kake rubat kumok.

¹⁵ Teni ejo enkeju: mara engaina, akae, mara en osesen, — ainyo, me en osesen ninye?

¹⁶ O teni ejo enkiyok: mara engong'u, akae, mara en osesen, — ainyo, me en osesen ninye?

¹⁷ Ten aa osesen olulung'a engong'u, kodee ening'oto? Ten aa osesen ening'oto katukul, ti aji eing'uaya?

¹⁸ Kake etipika Engai rubat pookin tiatua osesen, anaa petayeuo.

¹⁹ Teni era rubat pookin erubata nabo, kodee osesen?

²⁰ Kake etaa taata rubat kumok, kake osesen obo.

²¹ Nemeidim engong'u atiaki engaina: Mikitumoki nanu; arashu meidim elukunya atiaki nkejek: Mikitumokiki nanu.

²² Kake enare kuna rubat osesen naalio eshalu naleng', neyeuni naleng',

²³ o nena rubat osesen nikijo etong'orikitia enganyit too nkulie, nikinjo enganyit naleng'; o nena naaitukurru yook, nikintaa kituak aaitulusoo.

²⁴ Amu ore nena rubat supati ang', nemelaita enkitadararoto. Kake eitushula Engai osesen, neisho enganyit idia rubata natong'orikia,

²⁵ pemeaku eoroto tiatua osesen, kake peshilaro pookin aten.

²⁶ Naa teni emoi erubata nabo, neme nkulie pookin te nebo; ore teni eitaai kitok erubata nabo, neng'idakino nkulie pookin.

²⁷ Kake irara osesen le Kristos o rubat enyena anaa perisiore oltung'ani pookin.

²⁸ Netipika Engai iltung'anak tiatua esirit; ore lʼenkiterata lairriwak, ore liare layolounok, ore li okuni laiteng'enak, ore tekurum looitobir nkidimat, ore tekurum nkishoorot naaishiunyeki loomoi, o laretok, o looitorisho, o nkutukie naaoro.

²⁹ Ke, lairriwak pookin? Ana layolounok pookin? Ana laiteng'enak pookin? Ana nkidimat pookin?

³⁰ Ana keata pookin enkishooroto naishiunye loomoi? Ana keiro pookin too kulekai ng'ejepa? Ana keitaal pookin ninje?

³¹ Kake entonyok, pitumutumu nkishoorot kituak naleng', napon aitadol ndai engoitoi naikash naleng'.