ነህምያ 7 - መጽሐፍ ቅዱስ - (ካቶሊካዊ እትም - ኤማሁስ)

¹ እንዲህም ሆነ ቅጥሩ ከተሠራ በኋላ፥ በሮቹን ካቆምሁ በኋላ፥ በር ጠባቂዎች፥ መዘምራንና ሌዋውያን ተሾሙ፤

² ወንድሜን ሐናኒንና የምሽጉ አዛዥ ሐናንያን በኢየሩሳሌም ላይ ኀላፊነት ሰጠኋቸው፤ እርሱም እውነተኛና ከሌሎች ይልቅ እግዚአብሔርን የሚፈራ ሰው ነበረ።

³ እኔም እንዲህ አልኋቸው፦ የኢየሩሳሌም በሮች ፀሐይ ሞቅ እስኪል ድረስ አይከፈቱ፥ በሚቆሙበት ጊዜ በሮቹን ይዝጉ፥ ይቆልፉትም፤ ከኢየሩሳሌም ነዋሪዎች አንዳንዱን በተራው አንዳንዱን ደግሞ በየቤቱ አጠገብ ጠባቂዎች ይሾሙ።

⁴ ከተማይቱ ሰፊና ታላቅ ነበረች፤ በውስጧ የነበሩ ሕዝብ ግን ጥቂቶች ነበሩ፤ ቤቶችም አልተሠሩም ነበር።

ከምርኮ የተመለሱ ሰዎች ስም ዝርዝር

⁵ አምላኬም መኳንንቱን፥ ሹማምቱንና ሕዝቡን ሰብስቤ እንድቆጥራቸው በልቤ አስቀመጠ፤ አስቀድመው የመጡትን ሰዎች የትውልድ መጽሐፋቸውን አገኘሁ፥ በእርሱም እንደዚህ ተጽፎ አገኘሁ።

⁶ የባቢሎን ንጉሥ ናቡከደነፆር ከማረካቸው ምርኮኞች ወደ ኢየሩሳሌምና ወደ ይሁዳ ወደ ገዛ ከተማቸው የተመለሱት የአገር ልጆች እነዚህ ናቸው።

⁷ ከዘሩባቤል፥ ከኢያሱ፥ ከነህምያ፥ ከዓዛርያ፥ ከራዓምያ፥ ከናሐማኒ፥ ከመርዶክዮስ፥ ከቢልሻን፥ ከሚስፌሬት፥ ከቢግዋይ፥ ከኔሑም፥ ከባዓና ጋር የመጡ የእስራኤል ሕዝብ የሰዎች ቍጥር ይህ ነው።

⁸ የፓርዖሽ ልጆች፥ ሁለት ሺህ አንድ መቶ ሰባ ሁለት።

⁹ የሽፋጥያ ልጆች ሦስት መቶ ሰባ ሁለት።

¹⁰ የአራሕ ልጆች፥ ስድስት መቶ አምሳ ሁለት።

¹¹ ከኢያሱና ከዮአብ ልጆች የሆኑ የፓሐት ሞዓብ ልጆች፥ ሁለት ሺህ ስምንት መቶ ዐሥራ ስምንት።

¹² የዔላም ልጆች፥ አንድ ሺህ ሁለት መቶ አምሳ አራት።

¹³ የዛቱ ልጆች፥ ስምንት መቶ አርባ አምስት።

¹⁴ የዛካይ ልጆች፥ ሰባት መቶ ስድሳ።

¹⁵ የቢኑይ ልጆች፥ ስድስት መቶ አርባ ስምንት።

¹⁶ የቤባይ ልጆች፥ ስድስት መቶ ሀያ ስምንት።

¹⁷ የዓዝጋድ ልጆች፥ ሁለት ሺህ ሦስት መቶ ሀያ ሁለት።

¹⁸ የአዶኒቃም ልጆች፥ ስድስት መቶ ስድሳ ሰባት።

¹⁹ የቢግዋይ ልጆች፥ ሁለት ሺህ ስድሳ ሰባት።

²⁰ የዓዲን ልጆች፥ ስድስት መቶ አምሳ አምስት።

²¹ የሕዝቅያስ ወገን የአጤር ልጆች፥ ዘጠና ስምንት።

²² የሐሹም ልጆች፥ ሦስት መቶ ሀያ ስምንት።

²³ የቤጻይ ልጆች፥ ሦስት መቶ ሀያ አራት።

²⁴ የሐሪፍ ልጆች፥ መቶ ዐሥራ ሁለት።

²⁵ የገባዖን ልጆች፥ ዘጠና አምስት።

²⁶ የቤተ ልሔምና የነጦፋ ሰዎች፥ መቶ ሰማንያ ስምንት።

²⁷ የዓናቶች ሰዎች፥ መቶ ሀያ ስምንት።

²⁸ የቤትዓዝማዌት ሰዎች፥ አርባ ሁለት።

²⁹ የቂርያትይዓሪም፥ የከፊራና የብኤሮት ሰዎች፥ ሰባት መቶ አርባ ሦስት።

³⁰ የራማና የጌባዕ ሰዎች፥ ስድስት መቶ ሀያ አንድ።

³¹ የሚክማስ ሰዎች፥ መቶ ሀያ ሁለት።

³² የቤቴኤልና የዓይ ሰዎች፥ መቶ ሃያ ሦስት።

³³ የሌላኛው ነቦ ሰዎች፥ አምሳ ሁለት።

³⁴ የሌላኛው ዔላም ልጆች ሺህ ሁለት መቶ አምሳ አራት።

³⁵ የሐሪም ልጆች፥ ሦስት መቶ ሀያ።

³⁶ የኢያሪኮ ልጆች፥ ሦስት መቶ አርባ አምስት።

³⁷ የሎድ፥ የሐዲድና የኦኖ ልጆች፥ ሰባት መቶ ሀያ አንድ።

³⁸ የሰናአ ልጆች፥ ሦስት ሺህ ዘጠኝ መቶ ሠላሳ።

³⁹ ካህናቱ፥ የኢያሱ ቤት የይዳዕያ ልጆች፥ ዘጠኝ መቶ ሰባ ሦስት።

⁴⁰ የኢሜር ልጆች፥ አንድ ሺህ አምሳ ሁለት።

⁴¹ የፓሽሑር ልጆች፥ ሺህ ሁለት መቶ አርባ ሰባት።

⁴² የሐሪም ልጆች፥ ሺህ ዐሥራ ሰባት።

⁴³ ሌዋውያኑ፥ የሆድዋ ወገን የኢያሱና የቃድሚኤል ልጆች፥ ሰባ አራት።

⁴⁴ መዘምራኑ፥ የአሳፍ ልጆች፥ አንድ መቶ አርባ ስምንት።

⁴⁵ በር ጠባቂዎች፥ የሻሉም ልጆች፥ የአጤር ልጆች፥ የጣልሞን ልጆች፥ የዓቁብ ልጆች፥ የሐጢጣ ልጆች፥ የሾባይ ልጆች፥ አንድ መቶ ሠላሳ ስምንት።

⁴⁶ የቤተ መቅደስ አገልጋዮች የጺሐ ልጆች፥ የሐሡፋ ልጆች፥ የጣባዖት ልጆች፥

⁴⁷ የቄሮስ ልጆች፥ የሲዓ ልጆች፥ የፓዶን ልጆች፥

⁴⁸ የልባና ልጆች፥ የሐጋባ ልጆች፥ የሻልማይ ልጆች፥

⁴⁹ የሐናን ልጆች፥ የጊዴል ልጆች፥ የጋሐር ልጆች፥

⁵⁰ የረአያ ልጆች፥ የረጺን ልጆች፥ የነቆዳ ልጆች፥

⁵¹ የጋዛም ልጆች፥ የዑዛ ልጆች፥ የፓሴሐ ልጆች፥

⁵² የቤሳይ ልጆች፥ የምዑኒም ልጆች፥ የነፉሽሲም ልጆች፥

⁵³ የባቅቡቅ ልጆች፥ የሐቁፋ ልጆች፥ የሐርሑር ልጆች፥

⁵⁴ የባጽሊት ልጆች፥ የምሒዳ ልጆች፥ የሐርሻ ልጆች፥

⁵⁵ የባርቆስ ልጆች፥ የሲስራ ልጆች፥ የታማሕ ልጆች፥

⁵⁶ የንጺሐ ልጆች፥ የሐጢፋ ልጆች።

⁵⁷ የሰሎሞን አገልጋዮች ልጆች፤ የሶጣይ ልጆች፥ የሶፌሬት ልጆች፥ የፕሪዳ ልጆች፥

⁵⁸ የያዕላ ልጆች፥ የዳርቆን ልጆች፥ የጊዴል ልጆች፥

⁵⁹ የሽፋጥያ ልጆች፥ የሐጢል ልጆች፥ የፖኬሬት ሃፅባይም ልጆች፥ የአሞን ልጆች።

⁶⁰ የቤተ መቅደስ አገልጋዮች ሁሉና የሰሎሞን አገልጋዮች ልጆች ሦስት መቶ ዘጠና ሁለት ነበሩ።

⁶¹ ከቴልሜላሕ፥ ከቴል ሀርሻ፥ ከክሩብ፥ ከአዶንና ከኢሜር የወጡ እነዚህ ናቸው፤ ነገር ግን የአባቶቻቸውን ቤትና ዘራቸውን ወይም ከእስራኤል ወገን መሆናቸውን ማስረዳት አልቻሉም፤

⁶² የድላያ ልጆች፥ የጦቢያ ልጆች፥ የንቆዳ ልጆች፥ ስድስት መቶ አርባ ሁለት።

⁶³ ከካህናቱም የሐባያ ልጆች፥ የሃቆጽ ልጆች፥ የባርዚላይ ልጆች እሱም ከገለዓዳዊው የባርዚላይ ሴቶች ልጆች ሚስት ያገባ፥ በስማቸውም የተጠራ ነው።

⁶⁴ እነዚህ በትውልድ መጽሐፍ ትውልዳቸውን ፈለጉ፥ ነገር ግን አልተገኘም፤ ከክህነትም ተከለከሉ።

⁶⁵ ገዢውም፦ በኡሪምና በቱሚም የሚፈርድ ካህን እስኪነሣ ደረስ ከተቀደሰው ነገር እንዳይበሉ ነገራቸው።

⁶⁶ ጉባኤው ሁሉ አንድ ላይ አርባ ሁለት ሺህ ሦስት መቶ ስድሳ ነበር፥

⁶⁷ ከወንድ አገልጋዮቻቸውና ከሴት አገልጋዮቻቸው ሌላ፥ ሰባት ሺህ ሦስት መቶ ሠላሳ ሰባት ነበሩ፥ ሁለት መቶ አርባ አምስት ወንዶችና ሴቶች መዘምራንም ነበሩአቸው።

⁶⁸ ግመሎቻቸው አራት መቶ ሠላሳ አምስት፥ አህዮቻቸው ስድስት ሺህ ሰባት መቶ ሀያ ነበሩ።

⁶⁹ ከአባቶች አለቆች ለሥራው ስጦታ ሰጡ። አገረ ገዢውም አንድ ሺህ የወርቅ ዳሪክ፥ አምሳ ድስቶች፥ አምስት መቶ ሠላሳ የካህናት ልብስ ለግምጃ ቤት ሰጠ።

⁷⁰ የአባቶች አለቆች ለሥራው ለግምጃ ቤት ሀያ ሺህ የወርቅ ዳሪክ፥ ሁለት ሺህ ሁለት መቶ ምናን ብር ሰጡ።

⁷¹ የቀሩት ሕዝብ የሰጡት ሀያ ሺህ የወርቅ ዳሪክና ሁለት ሺህ ምናን ብርና ስድሳ ሰባት የካህናት ልብስ ነበረ።

⁷² ካህናቱ፥ ሌዋውያኑ፥ በር ጠባቂዎቹ፥ መዘምራኑ፥ ከሕዝቡ አንዳንዶቹ፥ የቤተ መቅደስ አገልጋዮችና እስራኤልም ሁሉ በገዛ ከተሞቻቸው ተቀመጡ፥ ሰባተኛውም ወር መጣ የእስራኤል ልጆችም በገዛ ከተሞቻቸው ተቀምጠው ነበር።