DUNGWVNC INTRO1 - ASII LAKDAP Bible (BSI)BOMPHAHO Ara Atsuq Wan ngutlaq liichum arka ‘alaü wan’ nguta ngo riito. Arka Israilnok mung manphan. Israilnok ka Ejip mung na dikong asi wa laü wantaq kra manphan. Ara lakdap na manphan ka manblai na tiikho raüta chongtlo: (1) Hibrunok ka dikong asi wa wase ma tiijakuq wantaq kra; (2) Tsangshiq manglaü wan ka Ejip mung maq riita Sinai Pum na saüli; (3) Shiikeawe raq asenginok rai Sinai Pum maq tongshong wantaq kra; kra tongshong tri na tsangshiq ma asi anga hon atsii tri, mungpeng tri, kiimaq rilung na lang chang tri, akam alam lam phan tri, (4) Israilnok miitu noqku chang tombutiip haihun nai kiijaq lang chang hup asam thun, kiimaq ramwebi jaqsham tri thun kiimaq Shiikeawe shomnoq tri thun kra waiqto. Arthun arthaq niimin, akhek pinthum ka Shiikeawe raq jamlai jaq wa sham wantaq kra, raüta tsangshiq ka dikong wa wase ma tiija wantaq raüta tsangshiq maiq mung ashi ma tiija wantaq, kiimaq rawiichhii miitu aran chang kilü tan kuq wantaq thun bom kra chongtlo. Ara lakdap na akhek numpong maiq weshi sitlo kriika Mosheq riito. Apaiq ka Shiikeawe raq asenginok ka Ejip mung wa tsuq wantaq kra shea wanti wela ma shongto. Ara lakdap na akhek pinthum bomtsi maiqse tarü raq saptlaq kriika Aming Roqshi bomtsi Ajong 20 na chongtlaq kra riito. BOMKHUPO THUN Israilnok Ejip Mung wa wase miishe tiija wanto 1.1—15.21 a. Ejip mung na dikong 1.1-22 b. Mosheq rawüchhi kiimaq apaiq noseji wa rilung 2.1—4.31 c. Mosheq nai Aron raq Ejip mung hokhamwe rai riikhettotto 5:1—11.10 d. Tiichhiiwan poi klo nai Ejip mung wa laü wan 12.1—15-21 Khamjong Khamshii Rai maq riita Sinai Pum na saüli 15.22—18.27 Thungtri Raütu nai Tongshong tri 19.1—24.18 Tongshong Tombutiip nai ashomnoq tri 25.1—40.38 |
Tangsa Naga Bible - ASII LAKDAP
Copyright © 2015 by The Bible Society of India
Used by permission. All rights reserved worldwide.
Bible Society of India