Tihlabelelo 8 - Siswati 1996 Bible

Ludvumo lwaNkulunkulu nesitfunti semuntfu

Sihlabelelo saDavide lesetfulwe kumhlabelisi kutsi sihlatjelwe ngelugubhu lwegithithi.

¹ Maye, Simakadze, Nkhosi yetfu! Libito lakho liyababateka emhlabeni wonkhe! Wena ubeke ludvumo lwebukhosi bakho ngetulu kwemazulu.

² Indvumiso yemandla akho uyibeke emilonyeni yetinswane neyebantfwana. Loko ukwentele kutibindzisa titsa takho nalabamelene nawe.

³ Nangibuka etulu esibhakabhakeni sakho ngibona umsebenti wetandla takho, inyanga netinkhanyeti lotimisile, ngitsi:

⁴ “Pho, umuntfu abeyini-ke kutsi ungadzimate umkhumbule; nendvodzana yemuntfu beyiyini-ke kutsi ungadzimate uyinakekele?”

⁵ Noko umente wacishe waba ngangawe, Nkulunkulu, wametfwesa umchele webukhosi neludvumo.

⁶ Umenta abuse etikwemisebenti yetandla takho, konkhe wakubeka ngaphansi kwetinyawo takhe:

⁷ tonkhe timvu, netinkhomo tonkhe, yebo, netilwane tesiganga,

⁸ tinyoni letindizako, netinhlanti telwandle, nato tonkhe tidalwa taselwandle.

⁹ Maye, Simakadze, Nkhosi yetfu, libito lakho liyababateka emhlabeni wonkhe!