Tihlabelelo 3 - Siswati 1996 Bible

Umkhuleko wekuseni ngekwetsembela kuNkulunkulu

Sihlabelelo saDavide lasihlabela ngesikhatsi abalekela umsa wakhe Absalomu.

¹ Maye, Simakadze, setinyenti titsa tami! Sebanyenti labo labangivukelako.

² Banyenti lese bafakana imilomo ngami, batsi: “Nkulunkulu angeke amsindzise.” Cabanga.

³ Kodvwa-ke wena, Simakadze, ulihawu lami, nebukhosi bami, uyangisimisa, unginike sibindzi sekuncoba.

⁴ Ngelivi lami ngikhala kuSimakadze, uyangiphendvula asentsabeni yakhe lengcwele. Cabanga.

⁵ Ngicambalele phansi ngatunywa butfongo, ngaphindze ngavuka, ngobe Nkulunkulu uyangicinisa.

⁶ Bantfu angibesabi, nome bangaba ngemashumi etinkhulungwane labangivimbetele ndzawo tonkhe.

⁷ Vuka Simakadze, ngisindzise, Nkulunkulu wami, ngobe tonkhe titsa tami utihlakaye imihlatsi, wephula nematinyo alababi.

⁸ Insindziso ivela kuwe, Simakadze; sibusiso sakho asibesesiveni sakho! Cabanga.