Tihlabelelo 23 - Siswati 1996 Bible

Simakadze ngumelusi wami

Sihlabelelo saDavide.

¹ Simakadze ngumelusi wami, ngeke ngeswele lutfo.

² Ungilalisa emadlelweni laluhlata, angiholele nasemantini ekuphumula.

³ Uhlumelelisa umphefumulo wami, angiholele nasetindleleni tekulunga, kuze kudvunyiswe libito lakhe.

⁴ Nome ngihamba esigodzini lesinelitfunti lekufa, angesabi lutfo lolubi, ngobe wena unami; intfonga yakho neludvondvolo lwakho kuyangivikela.

⁵ Ungigcebela litafula embikwami netitsa tami tibuka. Ugcobisa inhloko yami ngemafutsa, indzebe yami iyaphuphuma.

⁶ Impela, lokuhle nemusa kuyawungilandzela imihla yonkhe yekuphila kwami. Ngiyawuhlala endlini yaSimakadze kuze kube phakadze.