Tihlabelelo 13 - Siswati 1996 Bible

Umthandazo wekucela lusito ngesikhatsi senhlupheko

Sihlabelelo saDavide lesetfulwe kumhlabelisi.

¹ Hhawu, Simakadze! Utangikhohlwa kuze kube ngunini? Utangifihlela buso bakho kuze kube ngunini?

² Kutawuze kube ngunini ngilwa nemicabango yami ngifunana netindlela tekuphumelela? Kutawuze kube ngunini sitsa sami singehlula?

³ Bheka ngakimi, ungiphendvule, Simakadze, Nkulunkulu wami. Yenta emehlo ami akhanye, ngingaze ngifikelwe butfongo bekufa.

⁴ Sitsa sami asingasho kutsi: “Ngimehlule ngamkhipha inkhani,” funa labatitsa tami bajabule, ngobe sebabona kutsi ngiyayendza.

⁵ Kepha mine ngetsembele emseni wakho; inhlitiyo yami iyawujabula ngensindziso yakho.

⁶ Ngiyakuhlabela, ngikudvumise, Simakadze, ngobe ube muhle kimi.