Tihlabelelo 128 - Siswati 1996 Bible

Kubusiswa kwalowo lowesaba Nkulunkulu

Ingoma yekuya emikhosini.

¹ Babusiswe labo labesaba Nkulunkulu, labo labahamba ngetindlela takhe.

² Uyawudla titfukutfuku takho, ube nenhlanhla nemphumelelo.

³ Umkakho uyawufanana nemvini lotselako nasahleti endlini yakho, bantfwabakho babe njengemahlumela emncumo nase bahleti etafuleni lakho.

⁴ Ibusiswa kanjalo-ke, indvodza leyesaba Nkulunkulu.

⁵ Shangatsi Nkulunkulu angakubusisa aseSiyoni, shangatsi ungabona kuchuma kweJerusalema emphilweni yakho yonkhe.

⁶ Shangatsi ungaphila uze ukhokhobe, uze ubone nebatukulu bakho. Kuthula akube na-Israyeli.