Tihlabelelo 100 - Siswati 1996 Bible

Umhlaba wonkhe awubonge

Sihlabelelo semnikelo wekubonga.

¹ Dvumisani Simakadze ngenjabulo, nine mhlaba wonkhe!

² Khontani Simakadze ngentfokoto! Sondzelani kuye ngekuhlabela kwenjabulo.

³ Yatini kutsi Simakadze nguNkulunkulu! Sadalwa nguye, asitidalanga, sisive sakhe, netimvu telidlelo lakhe.

⁴ Ngenani emasangweni akhe ngekubonga, nasetibuyeni tendlu yakhe ngekumdvumisa. Mbongeni, nidvumise libito lakhe.

⁵ Ngobe Simakadze muhle, umusa wakhe uhlala umile kuze kube nguphakadze naphakadze; nekwetsembeka kwakhe kuhlala kumile titukulwane ngetitukulwane.