Tihlabelelo 1 - Siswati 1996 Bible

Sigaba sekucala (Tihlabelelo 1 – 41) Kuphila kwemuntfu locotfo, nekuphila kwesikhohlakali

¹ Ubusisiwe umuntfu longatitsatsi teluleko tebedukisi longahlanganyeli emikhubeni yetigangi, longahlali nasemkhambatsini walabaphukuta Nkulunkulu.

² Kodvwa kujabula kwakhe kusemtsetfweni waSimakadze, uyacabanga azindle ngawo imini nebusuku.

³ Unjengesihlahla lesihlanyelwe elusentseni lwemifula, sona sitsela titselo ngesikhatsi sato emacembe aso akabuni. Konkhe lakwentako kuyaphumelela.

⁴ Lababi-ke bona abanjalo, banjengemakhoba wona lapheshulwa ngumoya.

⁵ Ngako-ke, lababi bangeke bakhone kubhekana nesihlalo sekwehlulela, netoni tingeke tikhone kuma kanye nalabalungile bakhe.

⁶ Ngobe Simakadze uyayinakekela indlela yalabalungile, kodvwa indlela yalababi iya ekubhujisweni.