Numeri 7 - Siswati 1996 Bible

Umnikelo webaholi

¹ Watsi kube Mosi acedze kumisa lithende lekukhontela, waligcoba ngemafutsa, walinikela kanye nato tonkhe timphahla letihambisana nalo. Waphindze wagcoba lilati nato tonkhe titja talo.

² Baholi lababetinhloko tetive tema-Israyeli labo lababephetse nakwentiwa lubalo, baletsa iminikelo.

³ Baletsa iminikelo yabo kuSimakadze: tincola letisitfupha letimbonyiwe, netinkhabi letili-12, incola iyinye yayiphuma kubaholi lababili, inkhabi iyinye yayiphuma kumholi munye; konkhe loku bakunikela embikwelithende lekukhontela.

⁴ Simakadze wakhuluma kuMosi watsi:

⁵ “Yemukele leminikelo, khona itawusetjentiswa ethendeni lekuhlangana. Yinike emaLevi njengekwesidzingo salowo nalowo muntfu emsebentini wakhe.”

⁶ Ngako Mosi watsatsa letincola naletinkhabi wakunika emaLevi.

⁷ EmaGeshoni wawanika tincola letimbili netinkhabi letine njengekwesidzingo semsebenti wawo;

⁸ kwatsi emaMerari wawanika tincola letine netinkhabi letisiphohlongo njengekwesidzingo semsebenti wawo. Onkhe abeholwa ngu-Ithamari, indvodzana ya-Aroni, umphristi.

⁹ Kodvwa Mosi akawanikanga lutfo emaKhohati, ngobe phela wona bekufanele letintfo letingcwele atetfwale emahlombe awo.

¹⁰ Latsi kube lelilati ligcotjwe ngemafutsa, baholi baletsa iminikelo yabo yekulinikela, bayibeka embikwalo.

¹¹ Simakadze wakhuluma kuMosi, watsi: “Akunikele umholi munye ngelilanga linye, aletse lowo mnikelo wakhe wekunikelwa kwelilati.”

¹² Lowaletsa umnikelo wakakhe ngelilanga lekucala kwaba nguNasoni, umsa wa-Aminadabi, wesive sakaJuda.

¹³ Umnikelo wakhe kwakulipulede lesiliva lelalinesisindvo lesasingaba yikhilogremu nencenye, nendishi yesiliva yekunyenyeta lenesisindvo lesasingemagremu labengaba ngema-800, kokubili kwaya ngekwesilinganiso lesisemtsetfweni, kokubili kwakugcwele fulaha abhicwe nemafutsa, kutsi kutewuba ngumnikelo walokutinhlavu;

¹⁴ ingwembe yegolide lenesisindvo lesasingemagremu labengaba li-110, igcwele imphepho;

¹⁵ inkunzana, nesihhanca, nelizinyane lemvu lelidvuna lelinemnyaka munye budzala, kwaba kwemnikelo wekushiswa;

¹⁶ siphongo semnikelo wesono;

¹⁷ tinkunzana letimbili, netihhanca letisihlanu, netiphongo letisihlanu, nemazinyane lamadvuna etimvu lasihlanu lanemnyaka munye budzala, kutsi kutewuba ngumnikelo wekuthula. Kwaba ngulowo-ke umnikelo waNasoni, umsa wa-Aminadabi.

¹⁸ Ngelilanga lesibili Nethaneli, umsa waSuwari, umholi wesive saka-Isakhari, waletsa umnikelo wakakhe.

¹⁹ Umnikelo wakhe kwakulipulede lesiliva lelalinesisindvo lesasingaba yikhilogremu nencenye, nendishi yesiliva yekunyenyeta lenesisindvo lesasingemagremu labengaba ngema-800, kokubili kwaya ngekwesilinganiso lesisemtsetfweni, kokubili kwakugcwele fulaha abhicwe nemafutsa, kutsi kutewuba ngumnikelo walokutinhlavu;

²⁰ ingwembe yegolide lenesisindvo lesasingemagremu labengaba li-110, igcwele imphepho;

²¹ inkunzana, nesihhanca, nelizinyane lemvu lelidvuna lelinemnyaka munye budzala, konkhe kwaba kwemnikelo wekushiswa;

²² siphongo semnikelo wesono;

²³ tinkunzana letimbili, netihhanca letisihlanu, netiphongo letisihlanu, nemazinyane lamadvuna etimvu lasihlanu lanemnyaka munye budzala, kutsi kutewuba kwemnikelo wekuthula. Kwaba ngulowo-ke umnikelo waNethaneli, umsa waSuwari.

²⁴ Ngelilanga lesitsatfu Eliyabe, umsa waHeloni, umholi wesive sakaZebuloni, waletsa umnikelo wakakhe.

²⁵ Umnikelo wakhe kwakulipulede lesiliva lelalinesisindvo lesasingaba yikhilogremu nencenye, nendishi yesiliva yekunyenyeta lenesisindvo lesasingemagremu labengaba ngema-800, kokubili kwaya ngekwesilinganiso lesisemtsetfweni, kokubili kwakugcwele fulaha abhicwe nemafutsa, kutsi kutewuba ngumnikelo walokutinhlavu;

²⁶ ingwembe yegolide lenesisindvo lesasingemagremu labengaba li-110; igcwele imphepho;

²⁷ inkunzana, nesihhanca, nelizinyane lemvu lelidvuna lelinemnyaka munye budzala, kwaba kwemnikelo wekushiswa;

²⁸ siphongo semnikelo wesono;

²⁹ tinkunzana letimbili, netihhanca letisihlanu, netiphongo letisihlanu, nemazinyane lamadvuna etimvu lasihlanu lanemnyaka munye budzala, kutsi kutewuba ngumnikelo wekuthula. Kwaba ngulowo-ke umnikelo wa-Eliyabe, umsa waHeloni.

³⁰ Ngelilanga lesine Elisuri, umsa waShedewuri, umholi wesive sakaRubeni, waletsa umnikelo wakakhe.

³¹ Umnikelo wakhe kwakulipulede lesiliva lelalinesisindvo lesasingaba yikhilogremu nencenye, nendishi yesiliva yekunyenyeta lenesisindvo lesasingemagremu labengaba ngema-800, kokubili kwaya ngekwesilinganiso lesisemtsetfweni, kokubili kwakugcwele fulaha abhicwe nemafutsa, kutsi kutewuba ngumnikelo walokutinhlavu;

³² ingwembe yegolide lenesisindvo lesasingemagremu labengaba li-110, igcwele imphepho;

³³ inkunzana, nesihhanca, nelizinyane lemvu lelidvuna lelinemnyaka munye budzala, kwaba kwemnikelo wekushiswa;

³⁴ siphongo semnikelo wesono;

³⁵ tinkunzana letimbili, netihhanca letisihlanu, netiphongo letisihlanu, nemazinyane lamadvuna etimvu lasihlanu lanemnyaka munye budzala, kutsi kutewuba ngumnikelo wekuthula. Kwaba ngulowo-ke umnikelo wa-Elisuri, umsa waShedewuri.

³⁶ Ngelilanga lesihlanu Shelumiyeli, umsa waSurishadayi, umholi wesive sakaSimeyoni, waletsa umnikelo wakakhe.

³⁷ Umnikelo wakhe kwakulipulede lesiliva lelinesisindvo lesasingaba yikhilogremu nencenye, nendishi yesiliva yekunyenyeta lenesisindvo lesasingemagremu labengaba ngema-800, kokubili kwaya ngekwesilinganiso lesisemtsetfweni; kokubili kwakugcwele fulaha abhicwe nemafutsa, kutsi kutewuba ngumnikelo walokutinhlavu;

³⁸ ingwembe yegolide lenesisindvo lesasingemagremu labengaba li-110 igcwele imphepho;

³⁹ inkunzana, nesihhanca, nelizinyane lemvu lelidvuna lelinemnyaka munye budzala, kwaba kwemnikelo wekushiswa;

⁴⁰ siphongo semnikelo wesono;

⁴¹ tinkunzana letimbili, netihhanca letisihlanu, netiphongo letisihlanu, nemazinyane lamadvuna etimvu lasihlanu lanemnyaka munye budzala, kutsi kutewuba ngumnikelo wekuthula. Kwaba ngulowo-ke umnikelo waShelumiyeli, umsa waSurishadayi.

⁴² Ngelilanga lesitfupha Eliyasafa, umsa waDehuweli, umholi wesive sakaGadi, waletsa umnikelo wakakhe.

⁴³ Umnikelo wakhe kwakulipulede lesiliva lelinesisindvo lesasingaba yikhilogremu nencenye, nendishi yesiliva yekunyenyeta lenesisindvo lesasingemagremu labengaba ngema-800, kokubili kwaya ngekwesilinganiso lesisemtsetfweni, kokubili kwakugcwele fulaha abhicwe nemafutsa, kutsi kutewuba ngumnikelo walokutinhlavu;

⁴⁴ ingwembe yegolide lenesisindvo lesasingemagremu labengaba li-110, igcwele imphepho;

⁴⁵ inkunzana, nesihhanca, nelizinyane lemvu lelidvuna lelinemnyaka munye budzala, kwaba kwemnikelo wekushiswa;

⁴⁶ siphongo semnikelo wesono;

⁴⁷ tinkunzana letimbili, netihhanca letisihlanu, netiphongo letisihlanu, nemazinyane lamadvuna etimvu lasihlanu lanemnyaka munye budzala, kutsi kutewuba ngumnikelo wekuthula. Kwaba ngulowo-ke umnikelo wa-Eliyasafa, umsa waDehuweli.

⁴⁸ Ngelilanga lesikhombisa Elishama, umsa wa-Amihudi, umholi wesive saka-Efrayimu, waletsa umnikelo wakakhe.

⁴⁹ Umnikelo wakhe kwakulipulede lesiliva lelinesisindvo lesasingaba yikhilogremu nencenye, nendishi yesiliva yekunyenyeta lenesisindvo lesasingemagremu labengaba ngema-800, kokubili kwaya ngekwesilinganiso lesisemtsetfweni, kokubili kwakugcwele fulaha abhicwe nemafutsa, kutsi kutewuba ngumnikelo walokutinhlavu;

⁵⁰ ingwembe yegolide lenesisindvo lesasingemagremu labengaba li-110, igcwele imphepho;

⁵¹ inkunzana, nesihhanca, nelizinyane lemvu lelidvuna lelinemnyaka munye budzala, kwaba kwemnikelo wekushiswa;

⁵² siphongo semnikelo wesono;

⁵³ tinkunzana letimbili, netihhanca letisihlanu, netiphongo letisihlanu, nemazinyane lamadvuna etimvu lasihlanu lanemnyaka munye budzala, kutsi kutewuba ngumnikelo wekuthula. Kwaba ngulowo-ke umnikelo wa-Elishama, umsa wa-Amihudi.

⁵⁴ Ngelilanga lesiphohlongo Gamaliyeli, umsa Phedasuri, umholi wesive sakaManase, waletsa umnikelo wakakhe.

⁵⁵ Umnikelo wakhe kwakulipulede lesiliva lelinesisindvo lesasingaba yikhilogremu nencenye, nendishi yesiliva yekunyenyeta lenesisindvo lesasingemagremu labengaba ngema-800, kokubili kwaya ngekwesilinganiso lesisemtsetfweni, kokubili kwakugcwele fulaha abhicwe nemafutsa, kutsi kutewuba ngumnikelo walokutinhlavu;

⁵⁶ ingwembe yegolide lenesisindvo lesasingemagremu labengaba li-110, igcwele imphepho,

⁵⁷ inkunzana, nesihhanca, nelizinyane lemvu lelidvuna lelinemnyaka munye budzala, kwaba kwemnikelo wekushiswa;

⁵⁸ siphongo semnikelo wesono;

⁵⁹ tinkunzana letimbili, netihhanca letisihlanu, netiphongo letisihlanu, nemazinyane lamadvuna etimvu lasihlanu lanemnyaka munye budzala, kutsi kutewuba ngumnikelo wekuthula. Kwaba ngulowo-ke umnikelo waGamaliyeli, umsa waPhedasuri.

⁶⁰ Ngelilanga lemfica Abidani, umsa waGideyoni, umholi wesive sakaBhenjamini, waletsa umnikelo wakakhe.

⁶¹ Umnikelo wakhe kwakulipulede lesiliva lelinesisindvo lesasingaba yikhilogremu nencenye, nendishi yesiliva yekunyenyeta lenesisindvo lesasingemagremu labengaba ngema-800, kokubili kwaya ngekwesilinganiso lesisemtsetfweni; kokubili kwakugcwele fulaha abhicwe nemafutsa, kutsi kutewuba ngumnikelo walokutinhlavu;

⁶² ingwembe yegolide lenesisindvo lesasingemagremu labengaba li-110, igcwele imphepho;

⁶³ inkunzana, nesihhanca, nelizinyane lemvu lelidvuna lelinemnyaka munye budzala, kwaba kwemnikelo wekushiswa;

⁶⁴ siphongo semnikelo wesono;

⁶⁵ tinkunzana letimbili, netihhanca letisihlanu, netiphongo letisihlanu, nemazinyane lamadvuna etimvu lasihlanu lanemnyaka munye budzala, kutsi kutewuba ngumnikelo wekuthula. Kwaba ngulowo-ke umnikelo wa-Abidani, umsa waGideyoni.

⁶⁶ Ngelilanga lelishumi Ahiyezeri, umsa wa-Amishadayi, umholi wesive sakaDani, waletsa umnikelo wakakhe.

⁶⁷ Umnikelo wakhe kwakulipulede lesiliva lelinesisindvo lesasingaba yikhilogremu nencenye, nendishi yesiliva yekunyenyeta lenesisindvo lesasingemagremu labengaba ngema-800, kokubili kwaya ngekwesilinganiso lesisemtsetfweni, kokubili kwakugcwele fulaha abhicwe nemafutsa, kutsi kutewuba ngumnikelo walokutinhlavu;

⁶⁸ ingwembe yegolide lenesisindvo lesasingemagremu labengaba li-110, igcwele imphepho;

⁶⁹ inkunzana, nesihhanca, nelizinyane lemvu lelidvuna lelinemnyaka munye budzala, kwaba ngumnikelo wekushiswa;

⁷⁰ siphongo semnikelo wesono;

⁷¹ tinkunzana letimbili, netihhanca letisihlanu, netiphongo letisihlanu, nemazinyane lamadvuna etimvu lasihlanu lanemnyaka munye budzala, kutsi kutewuba ngumnikelo wekuthula. Kwaba ngulowo-ke umnikelo wa-Ahiyezeri, umsa wa-Amishadayi.

⁷² Ngelilanga leli-11 Phagiyeli, umsa wa-Okrani, umholi wesive saka-Asheri, waletsa umnikelo wakakhe.

⁷³ Umnikelo wakhe kwakulipulede lesiliva lelinesisindvo lesasingaba yikhilogremu nencenye, nendishi yesiliva yekunyenyeta lenesisindvo lesasingemagremu labengaba ngema-800, kokubili kwaya ngekwesilinganiso lesisemtsetfweni, kokubili kwakugcwele fulaha abhicwe nemafutsa, kutsi kutewuba ngumnikelo walokutinhlavu;

⁷⁴ ingwembe yegolide lenesisindvo lesasingemagremu labengaba li-110, igcwele imphepho;

⁷⁵ inkunzana, nesihhanca, nelizinyane lemvu lelidvuna lelinemnyaka budzala, kwaba kwemnikelo wekushiswa;

⁷⁶ siphongo semnikelo wesono;

⁷⁷ tinkunzana letimbili, netihhanca letisihlanu, netiphongo letisihlanu, nemazinyane lamadvuna etimvu lasihlanu lanemnyaka munye budzala, kutsi kutewuba ngumnikelo wekuthula. Kwaba ngulowo-ke umnikelo waPhagiyeli, umsa wa-Okrani.

⁷⁸ Ngelilanga leli-12 Ahira, umsa wa-Enani, umholi wesive sakaNaftali, waletsa umnikelo wakakhe.

⁷⁹ Umnikelo wakhe kwakulipulede lesiliva lelinesisindvo lesasingaba yikhilogremu nencenye, nendishi yesiliva yekunyenyeta lenesisindvo lesasingemagremu labengaba ngema-800, kokubili kwaya ngekwesilinganiso lesisemtsetfweni, kokubili kwakugcwele fulaha abhicwe nemafutsa, kutsi kutewuba ngumnikelo walokutinhlavu;

⁸⁰ ingwembe yegolide lenesisindvo lesasingemagremu labengaba li-110, igcwele imphepho;

⁸¹ inkunzana, nesihhanca, nelizinyane lemvu lelidvuna lelinemnyaka munye budzala, kwaba kwemnikelo wekushiswa;

⁸² siphongo semnikelo wesono;

⁸³ tinkunzana letimbili, netihhanca letisihlanu, netiphongo letisihlanu, nemazinyane lamadvuna etimvu lasihlanu, lanemnyaka munye budzala, kutsi kutewuba ngumnikelo wekuthula. Kwaba ngulowo-ke umnikelo wa-Ahira, umsa wa-Enani.

⁸⁴ Lena-ke ngiminikelo yebaholi besive saka-Israyeli yekunikela lilati nase ligcotjwe ngemafutsa, seyiyonkhe yema kanje: emapulede esiliva labeli-12, netindishi tesiliva tekunyenyeta letili-12, netingwembe tegolide letili-12.

⁸⁵ Ngulelo nalelo pulede lalinesisindvo lesasingaba yikhilogremu nencenye, nguleyo naleyo ndishi yesiliva yekunyenyeta yayinesisindvo lesasingemagremu labengaba ngema-800. Setitonkhe tindishi tesiliva tatinesisindvo lesasingemakhilogremu labengaba ngema-28 ngekwesilinganiso lesisemtsetfweni.

⁸⁶ Letingwembe tegolide letili-12 iyinye igcwele imphepho yayinesisindvo lesasingemagremu labengaba li-110, ngekwesilinganiso lesisemtsetfweni. Setitonkhe letingwembe tegolide tatinesisindvo lesasingaba yikhilogremu nemagremu langema-320.

⁸⁷ Setitonkhe tifuyo letatitawushiswa kulomnikelo kwaba tinkunzana letili-12, netihhanca letili-12, nemazinyane etimvu lamadvuna lali-12 lanemnyaka munye budzala, kanye neminikelo yalokutinhlavu. Kwasetjentiswa tiphongo letili-12 emnikelweni wesono.

⁸⁸ Setitonkhe tifuyo temhlatjelo wemnikelo wekuthula kwaba tinkunzana letingema-24, netihhanca letingema-60, netiphongo letingema-60, nemazinyane etimvu lamadvuna langema-60 lanemnyaka munye budzala. Konkhe loko kwakukwemnikelo wekunikelwa kwelilati nase ligcotjwe ngemafutsa.

⁸⁹ Ngesikhatsi Mosi angena ethendeni lekuhlangana kuyawukhuluma naSimakadze, weva livi likhuluma naye liphuma esihlalweni semusa lesasisetikwelibhokisi lesivumelwane emkhatsini wemakherubhi lamabili. Bakhulumisana.