Numeri 33 - Siswati 1996 Bible

Tigaba teluhambo lwema-Israyeli

¹ Leti-ke tigaba teluhambo lwesive sema-Israyeli, nasiphuma eGibhithe ngetive taso ngaphansi kwesandla saboMosi na-Aroni.

² Ngekuyala kwaSimakadze Mosi wabhala onkhe emabito etindzawo lapho babefike bemise khona. Nalu-ke luhambo lwaso ngetigaba talo:

³ Sive sema-Israyeli sesuka eRamsesi ngelilanga leli-15 lenyanga yekucala emnyakeni, lilanga lelilandzela liPhasika, ngenyanga yekucala. Baphuma ngesibindzi nangetigi emehlweni awo onkhe emaGibhithe abuka.

⁴ EmaGibhithe abengcwaba ematubulo awo onkhe labeshaywe nguSimakadze emkhatsini wawo; ngobe Simakadze abebehlulele bonkhe bonkulunkulu bawo.

⁵ Ema-Israyeli esuka eRamsesi emisa eSukhothi.

⁶ Esuka eSukhothi ayawumisa e-Ethamu, emnyeleni welihlane.

⁷ Esuka e-Ethamu ancandzeka aya ePhi Hahirothi, ngasemphumalanga kweBhali Sefoni, emisa embikweMigdoli.

⁸ Esuka ePhi Hahirothi, adzabula lwandle ekhatsi ewelela ehlane, atsi kube ahambe emalanga lamatsatfu eHlane lase-Ethamu, emisa eMara.

⁹ Esuka eMara aya e-Elimu, lapho bekunemitfombo leli-12 netihlahla temasundvu letatingema-70, emisa khona lapho.

¹⁰ Esuka e-Elimu emisa ngaseLwandle Lolubovu.

¹¹ Esuka ngaseLwandle Lolubovu emisa eHlane laseSini.

¹² Esuka eHlane laseSini emisa eDofkha.

¹³ Esuka eDofkha emisa e-Alushi.

¹⁴ Esuka e-Alushi emisa eRefidimu, lapho kwakute khona emanti ekunatfwa bantfu.

¹⁵ Esuka eRefidimu emisa eHlane laseSinayi.

¹⁶ Esuka eHlane laseSinayi emisa eKhibrothi Hathava.

¹⁷ Esuka eKhibrothi Hathava emisa eHaserothi.

¹⁸ Esuka eHaserothi emisa eRitma.

¹⁹ Esuka eRitma emisa eRimoni Pheresi.

²⁰ Esuka eRimoni Pheresi emisa eLibna.

²¹ Esuka eLibna emisa eRisa.

²² Esuka eRisa emisa eKhehelatha.

²³ Esuka eKhehelatha emisa eNtsabeni iSheferi.

²⁴ Esuka eNtsabeni iSheferi emisa eHarada.

²⁵ Esuka eHarada emisa eMakhelothi.

²⁶ Esuka eMakhelothi emisa eThahathi.

²⁷ Esuka eThahathi emisa eThera.

²⁸ Esuka eThera emisa eMithka.

²⁹ Esuka eMithka emisa eHashmona.

³⁰ Esuka eHashmona emisa eMoserothi.

³¹ Esuka eMoserothi emisa eBhene Jakani.

³² Esuka eBhene Jakani emisa eHori Hagidigadi.

³³ Esuka eHori Hagidigadi emisa eJotbatha.

³⁴ Esuka eJotbatha emisa e-Abrona.

³⁵ Esuka e-Abrona emisa e-Esiyoni Geberi.

³⁶ Esuka e-Esiyoni Geberi emisa eKhadeshi, eHlane laseSini.

³⁷ Esuka eKhadeshi emisa eNtsabeni iHori, emnyeleni we-Edomu.

³⁸ Ngekuyala kwaSimakadze Aroni, umphristi, wenyukela eNtsabeni iHori, lapho wafike wafela khona ngelilanga lekucala enyangeni yesihlanu ngemnyaka wema-40 ema-Israyeli aphuma eGibhithe.

³⁹ Aroni abesaneminyaka leli-123 budzala ngesikhatsi afela eNtsabeni iHori.

⁴⁰ Inkhosi yase-Aradi leyayingumKhenani, ihlala eningizimu nelive laseKhenani, yeva kutsi sive sema-Israyeli siyeta.

⁴¹ Ema-Israyeli esuka eNtsabeni iHori emisa eSalmona.

⁴² Esuka eSalmona emisa ePhunoni.

⁴³ Esuka ePhunoni emisa e-Obothi.

⁴⁴ Esuka e-Obothi emisa e-Iye Abarimu, emnyeleni wakaMowabi.

⁴⁵ Esuka e-Iyimu emisa eDiboni Gadi.

⁴⁶ Esuka eDiboni Gadi emisa e-Alimoni Diblathayimu.

⁴⁷ Esuka e-Alimoni Diblathayimu emisa etintsabeni tase-Abarimu, edvute neNebo.

⁴⁸ Esuka etintsabeni tase-Abarimu, emisa ematsafeni akaMowabi, edvute nemfula iJordane malungana neJerikho.

⁴⁹ Ematsafeni akaMowabi emisa edvute nemfula iJordane kusuka eBhethi Jeshimothi kuya e-Abela Shithimu.

Imiyalo basengakaweli iJordane

⁵⁰ Ematsafeni akaMowabi edvute nemfula iJordane malungana neJerikho, Simakadze wakhuluma kuMosi watsi:

⁵¹ “Khuluma kuma-Israyeli utsi: ‘Nanewela iJordane ningena eKhenani,

⁵² niboticosha nitikhiphe tonkhe letive lenitatikhandza khona. Nibotibhubhisa tonkhe letitfombe tato, netithico tato letibatiwe kanye netindzawo tato letiphakeme tekukhontela.

⁵³ Lelive nibolidla libe lenu nihlale kulo, ngobe nginiphe lona kutsi libe lenu.

⁵⁴ Lelive nibolabelana ngenkatho kulolo nakulolo lusendvo. Sive lesinebantfu labanyenti nibabele lifa lelikhulu, kanjalo nakulabo labasive lesincane nibabele lelincane. Nome ngabe yini labayitfole ngenkatho kuyawuba kwabo. Lelive nibolabelana ngekwetive tenu.

⁵⁵ “ ‘Kodvwa nangabe letive lenitikhandze kulelo live anikaticoshi natikhipha, leto lenitivumele kutsi tihlale tiyawuba ngemazubela emehlweni enu tibe ngemanyeva emihlubulweni yenu. Tiyawuba luhlupho kini kulelo live leniyawuhlala kulo.

⁵⁶ Mine ngiyawukwenta kini loko lengitimisele kukwenta kubo.’ ”