Nehemiya 7 - Siswati 1996 Bible

¹ Lwatsi kube lubondza lwakhiwe luphele, netivalo sengitifakile etindzaweni tato, kwabe sekubekwa bomahlalesangweni, nebahlabeli kanye nemaLevi.

² Ngabeka umnaketfu Hanani kutsi engamele iJerusalema abambisane naHananiya, indvuna yenqaba, ngobe Hananiya abeyindvodza leyayetsembekile yesaba Nkulunkulu kwendlula emadvodza lamanyenti.

³ Ngabatjela ngatsi: “Emasango aseJerusalema kufanele angavulwa lilanga lingakaphakami. Ngesikhatsi bomahlalesangweni basesemsebentini, lamasango babowavala bawaveletele. Kantsi futsi kufanele nibeke letinye takhamiti taseJerusalema kutsi tibe bomahlalesangweni, labanye bacize etindzaweni letitsite, labanye bacize eceleni kwetindlu tabo.”

Luhla lwebantfu lababuya ekutfunjweni

⁴ Lidolobha laseJerusalema lalilikhulu linendzawo lebanti; kodvwa lalinebantfu labambalwa ngekhatsi kwalo, netindlu tatisengakakhiwa kabusha.

⁵ Ngako Nkulunkulu wami wakufaka enhlitiyweni yami kutsi ngihlanganise baholi, netiphatsimandla kanye neluntfu lonkhe kutsi kutewubhaliswa ngemindeni. Ngatfola tincwadzi lekwakubhalwe kuto imindeni yalabo bebafike kwekucala. Naku-ke lengakutfola kubhalwe kuto:

⁶ Laba bantfu lababetfunjwe nguNebukhadnezari, inkhosi yaseBhabhulona, labancandzeka babuyela eJerusalema nakaJuda, ngulowo nalowo edolobheni lakubo,

⁷ beta bahamba naZerubhabheli, naJeshuwa, naNehemiya, na-Azariya, naRamiya, naNahamani, naModekhayi, naBilshani, naMisperethi, naBikvayi, naNehumi, naBhana. Luhla lwemadvodza aka-Israyeli bekungulawa:

⁸ Titukulwane takaPharoshi tatiti-2 172,

⁹ titukulwane takaShefathiya tatingema-372,

¹⁰ titukulwane taka-Ara tatingema-652,

¹¹ titukulwane takaPhahathi Mowabi, ngeluhlanga lwaJeshuwa naJowabe, tatiti-2 818,

¹² titukulwane taka-Elamu tatiyi-1 254,

¹³ titukulwane takaZathu tatingema-845,

¹⁴ titukulwane takaZakhayi tatingema-760,

¹⁵ titukulwane takaBinuwi tatingema-648,

¹⁶ titukulwane takaBebayi tatingema-628,

¹⁷ titukulwane taka-Azgadi tatiti-2 322,

¹⁸ titukulwane taka-Adonikamu tatingema-667,

¹⁹ titukulwane takaBikvayi tatiti-2 067,

²⁰ titukulwane taka-Adini tatingema-655,

²¹ titukulwane taka-Ateri, ngaHezekiya, tatingema-98,

²² titukulwane takaHashumi tatingema-328,

²³ titukulwane takaBhezayi tatingema-324,

²⁴ titukulwane takaHarifi tatili-112,

²⁵ titukulwane takaGibeyoni tatingema-95.

²⁶ Emadvodza labewekudzabuka eBhetlehema kanye newaseNethofa abeli-188.

²⁷ Emadvodza ase-Anathothi abeli-128,

²⁸ emadvodza aseBhethi Azmavethi abengema-42,

²⁹ emadvodza aseKhiriyathi Jeyarimu, naseKhefira, naseBherothi ebengema-743,

³⁰ emadvodza aseRama naseGeba abengema-621,

³¹ emadvodza aseMikmashi abeli-122,

³² emadvodza aseBetheli nase-Ayi abeli-123,

³³ emadvodza aseNebo lenye abengema-52,

³⁴ emadvodza ase-Elamu lenye abeyi-1 254,

³⁵ emadvodza aseHarimi abengema-320,

³⁶ emadvodza aseJerikho abengema-345,

³⁷ emadvodza aseLodi, naseHadidi, nase-Ono abengema-721,

³⁸ emadvodza aseSena abeti-3 930.

³⁹ Baphristi bona: bekutitukulwane takaJedaya, ngemndeni waJeshuwa, tatingema-973,

⁴⁰ titukulwane taka-Imeri tatiyi-1 052,

⁴¹ titukulwane takaPhashuri tatiyi-1 247,

⁴² titukulwane takaHarimi tatiyi-1 017.

⁴³ EmaLevi wona: bekutitukulwane takaJeshuwa netakaKhadmiyeli, ngeluhlanga lwakaHodaviya, tatingema-74.

⁴⁴ Bahlabeli bona: lababetitukulwane taka-Asafa babeli-148.

⁴⁵ Bomahlalesangweni bona: bekutitukulwane takaShalumi, netaka-Ateri, netakaThalmoni, netaka-Akhubi, netakaHatita, netakaShobayi, babeli-138, sebabonkhe.

⁴⁶ Tisebenti telithempeli tona: bekutitukulwane takaSiha, netakaHasufa, netakaThabhayothi,

⁴⁷ netakaKherosi, netakaSiya, netakaPhadoni,

⁴⁸ netakaLebana, netakaHagabha, netakaShalmayi,

⁴⁹ netakaHanana, netakaGideli, netakaGahari,

⁵⁰ netakaReyaya, netakaResini, netakaNekoda,

⁵¹ netakaGazamu, netaka-Uza, netakaPhaseya,

⁵² netakaBhesayi, netakaMeyunimu, netakaNefusimu,

⁵³ netakaBakbuki; netakaHakufa, netakaHahuri,

⁵⁴ netakaBasluthi, netakaMehida, netakaHasha,

⁵⁵ netakaBhakosi, netakaSisera, netakaThema,

⁵⁶ netakaNesiya kanye netakaHatifa.

⁵⁷ Titukulwane tetisebenti takaSolomoni tona: bekutitukulwane takaSothayi, netakaSofereti, netakaPheruda,

⁵⁸ netakaJala, netakaDakhoni, netakaGideli,

⁵⁹ netakaShefathiya, netakaHathili, netakaPhokerethi Sebayimi kanye netaka-Amoni.

⁶⁰ Tisebenti telithempeli kanye netitukulwane tetisebenti takaSolomoni betingema-392.

⁶¹ Laba labalandzelako babephuma emadolobheni aseTheli Mela, naseTheli Hasha, naseKherubi, nase-Adoni, nase-Imeri, kodvwa noko abazange bakhona kuchaza kutsi imindeni yabo yayiyekudzabuka ka-Israyeli yini:

⁶² Titukulwane takaDelaya, netakaThobiya kanye netakaNekoda tatingema-642.

⁶³ Kulaba labanye baphristi: bekutitukulwane takaHabaya, netakaHakhosi kanye netakaBhazilayi, indvodza leyayitsetse indvodzakati yaBhazilayi wakaGileyadi, wase ubitwa ngelibito lakhe.

⁶⁴ Laba bafunisisa imilandvo lebhaliwe yemindeni yabo, kodvwa abazange bayitfole; ngaleso sizatfu abazange babalwe kanye nebaphristi, batsatfwa ngekutsi bangcolile ngekwemtsetfo.

⁶⁵ Ngako-ke umbusi wabayala kutsi bangadli nome kunye kwalokudla lokwakungcwele, kuze kube nemphristi wekukhonta nge-Urimu neThumimu.

⁶⁶ Sebabonkhe labancandzeka babeti-42 360,

⁶⁷ ngaphandle kwetisebenti tabo letidvuna naletisikati letatiti-7 337; ngetulu kwabo bekunebahlabeli labadvuna nalabasikati labangema-245.

⁶⁸ Babenemahhashi langema-736, neminyuzi lengema-245,

⁶⁹ nemakamela langema-435, kanye netimbongolo letiti-6 720.

⁷⁰ Labanye baholi bemindeni bafaka sandla emsebentini. Umbusi naye wanikela ngegolide leyayingemakhilogremu labengaba siphohlongo, nangetitja letatingema-50 kanye nangetingubo tebaphristi letatingema-530.

⁷¹ Labanye baholi bemindeni banikela ngegolide leyayingemakhilogremu labengaba li-168, nangesiliva leyayingemakhilogremu labengaba yi-1 250.

⁷² Sekukonkhe lokwanikelwa ngulaba labanye bantfu kwaba yigolide leyayingemakhilogremu labengaba li-168, nesiliva leyayingemakhilogremu labengaba yinkhulungwane kanye netingubo tebuphristi letatingema-67.

⁷³ Baphristi, nemaLevi, nabomahlalesangweni, nebahlabeli, netisebenti telithempeli, nalabanye bantfu kanye nema-Israyeli lamanye avele acaba ahlala emadolobheni awo.