Joshuwa 12 - Siswati 1996 Bible

Emakhosi lancotjwa nguJoshuwa

¹ Lawa-ke ngemakhosi elive lancotjwa ngema-Israyeli nelive lawo lelalingasemphumalanga neJordane alidla, kusukela eSihosheni sase-Anoni kuya eNtsabeni iHemoni, kanye nayo yonkhe i-Arabha kuye ngasemphumalanga kwayo:

² Sihoni, inkhosi yema-Amori, labebusa eHeshboni. Abebusa kusukela e-Aroyeri emngcengcemeni weMsaho wase-Anoni, kusukela ekhatsi nawo, kuye eMfuleni iJabhoki, lekungumncele wema-Amoni. Lelive lalifaka ekhatsi incenye yelive lakaGileyadi.

³ Waphindze wabusa emphumalanga ne-Arabha kusukela eLwandle iKhinerethi kuye eLwandle lwase-Arabha, lekuLwandle Lweluswayi, kuye eBhethi Jeshimothi, kwemuke kuye ngaseningizimu emaceleni eNtsaba iPhisga.

⁴ Ema-Israyeli aphindza ancoba Ogi, inkhosi yaseBhashani, lomunye wemaRefa ekugcina labebusa i-Ashtarothe ne-Edreyi.

⁵ Abebusa etikweNtsaba iHemoni, neSalekha, neBhashani yonkhe, kuze kufike emnyeleni wesive sakaGeshuri, neMakha kanye nencenye yakaGileyadi kuye emnyeleni waSihoni, inkhosi yaseHeshboni.

⁶ BoMosi, inceku yaSimakadze, kanye nema-Israyeli bawancoba lawo makhosi lamabili. Mosi, inceku yaSimakadze, live walinika sive sakaRubeni, nesakaGadi kanye nencenye yesive sakaManase kutsi kube sabelo sato.

⁷ Lawa-ke ngemakhosi elive Joshuwa kanye nema-Israyeli labawancoba ngasenshonalanga neJordane, kusuka eBhali Gadi eSihosheni saseLebanoni kuye eNtsabeni iHalaki, levela ngaseSeyiri, live lawo Joshuwa walabela tive tema-Israyeli, kwaba lifa lato kwaya ngekuhleleka kwetive.

⁸ Lelive lalifaka ekhatsi live letintsaba, ematsafa langasenshonalanga, ne-Arabha, nemacele etintsaba, nelihlane kanye neNegevu, lekuyiningizimu yelive, lekwakungemave emaHethi, nema-Amori, nemaKhenani, nemaPheresi, nemaHive kanye nemaJebhusi:

⁹ inkhosi yaseJerikho yaba yinye, inkhosi yase-Ayi, eceleni kweBetheli, yaba yinye,

¹⁰ inkhosi yaseJerusalema yaba yinye, inkhosi yaseHebroni yaba yinye,

¹¹ inkhosi yaseJamuthi yaba yinye, inkhosi yaseLakhishi yaba yinye,

¹² inkhosi yase-Egloni yaba yinye, inkhosi yaseGezeri yaba yinye,

¹³ inkhosi yaseDebiri yaba yinye, inkhosi yaseGederi yaba yinye,

¹⁴ inkhosi yaseHoma yaba yinye, inkhosi yase-Aradi yaba yinye,

¹⁵ inkhosi yaseLibna yaba yinye, inkhosi yase-Adulamu yaba yinye,

¹⁶ inkhosi yaseMakheda yaba yinye, inkhosi yaseBetheli yaba yinye,

¹⁷ inkhosi yaseThaphuwa yaba yinye, inkhosi yaseHeferi yaba yinye,

¹⁸ inkhosi yase-Afeki yaba yinye, inkhosi yase-Lasharoni yaba yinye,

¹⁹ inkhosi yaseMadoni yaba yinye, inkhosi yaseHasori yaba yinye,

²⁰ inkhosi yaseShimironi Meroni yaba yinye, inkhosi yase-Akshafu yaba yinye,

²¹ inkhosi yaseThanaki yaba yinye, inkhosi yaseMegido yaba yinye,

²² inkhosi yaseKhedeshi yaba yinye, inkhosi yaseJokneyamu, eKhameli, yaba yinye,

²³ inkhosi yaseDori, eNafothi Dori, yaba yinye, inkhosi yaseGoyimu, eGilgali, yaba yinye,

²⁴ inkhosi yaseThisa yaba yinye. Kwaba ngemakhosi langema-31 asawonkhe.