Mapisarema 97 - Baiberi Magwaro Matȿene aMŋari 1949 (Doke)

Ʋukuru bgaJehova Mambo.

¹ Jehova unoɓata ʋushe; nyika ŋgaifare kwaɀo; Ɀiwi ɀizhinji ŋgaɀifare.

² Makore nerima ɀinomukomberedza; Kururama nokururamisa ndidzo nheyo dzecigaro cake coʋushe.

³ Mŋoto unotuŋgamira pamberi pake, Ucipisa ʋadziʋisi ʋake pamatiʋi ose.

⁴ Mheni dzake dzakaveneka nyika yose; Pasi pakaʋona, ndokubvunda.

⁵ Makomo akanyauka senamo pamberi paJehova, Pamberi paShe wapasi pose.

⁶ Kuɗeŋga‐ɗeŋga kunoparidza kururama kwake, Ndudzi dzose dzakaʋona kubginya kwake.

⁷ Ʋose, ʋanoshumira mifananidzo yakaʋeziwa, ʋanonyadziswa, Iʋo ʋanoɀirumbidza pamsoro peɀifananidzo; Namatai kwaari, imi ʋamŋari ʋose.

⁸ Zioni rakanzwa ndokufara, Naʋakunda ʋaJuda ʋakafara kwaɀo; Nokuɗa kweɀamakatoŋga, imi Jehova.

⁹ Nokuti imi Jehova, muri kumsoro‐soro kwapasi pose; Makakwirira kupfuʋura ʋamŋari ʋose.

¹⁰ Ʋeŋgai ɀakaipa, imi munoɗa Jehova; Iye unoceŋgeta mŋeya yaʋatȿene ʋake; Unoʋarwira paruʋoko rwowakaipa.

¹¹ Ciedza cinodɀarirwa wakarurama, Nomufaro ʋanemŋoyo yakarurama.

¹² Farai munaJehova, imi ʋakarurama; Ʋoŋgai pakuraŋgarira ʋutȿene bgake.