Mapisarema 96 - Baiberi Magwaro Matȿene aMŋari 1949 (Doke)

Nyika yose ŋgairumbidze Jehova Mutoŋgi mukuru.

¹ Imbirai Jehova rwiyo rutȿa; Imbirai Jehova, pasi pose.

² Imbirai Jehova, rumbidzai zita rake; Paridzai kuponesa kwake zuʋa rimŋe nerimŋe.

³ Ƌudzirai kubginya kwake pakati paʋahedeni, Maɓasa ake, anoshamisa pakati pendudzi dzose.

⁴ Nokuti Jehova mukuru, unofanira kurumbidzwa kwaɀo; Unofanira kutyiwa kupfuʋura ʋamŋari ʋose.

⁵ Nokuti ʋamŋari ʋose ʋendudzi ɀifananidzo haɀo; Asi Jehova wakaita kuɗeŋga‐ɗeŋga.

⁶ Kukudzwa noʋumambo ɀiri pamberi pake; Simba nokunaka ɀiri panɀimbo yake tȿene.

⁷ Ipai Jehova, imi mhuri dzaʋanhu, Ipai Jehova kukudzwa nesimba.

⁸ Ipai Jehova kukudzwa kunofanira zita rake; Ʋuyai necipiriso, mupinde muʋazhe dzake.

⁹ Namatai kunaJehova neŋguʋa tȿene; Pasi pose, bvunda pamberi pake.

¹⁰ Itiyi pakati paʋahedeni: Jehova ndiye unoɓata ʋushe; Nyika ʋo yakasimbiswa, kuti irege kuzunuŋguswa; Iye ucatoŋga ʋanhu ɀakarurama.

¹¹ Kuɗeŋga‐ɗeŋga ŋgakufare, napasi ŋgapafare kwaɀo; Guŋgwa ŋgaritinhire, neɀose ɀiri mukati maro;

¹² Saŋgo ŋgariʋe nomufaro, neɀose ɀiri mukati maro; Ipapo miti yose yeɗondo icaimba nomufaro;

¹³ PamberipaJehova, nokuti unoʋuya; Nokuti unoʋuya kuzotoŋga pasi; Ucatoŋga nyika ɀakarurama, Nendudzi nokutendeka kwake.