Mapisarema 94 - Baiberi Magwaro Matȿene aMŋari 1949 (Doke)

Jehova ndiye Mutoŋgi wakarurama.

¹ Jehova, imi Mŋari mutsiʋi, Imi Mŋari mutsiʋi, penyai.

² Ɀisimudzei, imi Mutoŋgi wenyika; Ipai ʋanoɀikudza seɀaʋakafanira.

³ Jehova, ʋakaipa ʋacafara kwaɀo kuȿikira riniko, Ʋakaipa ʋacafara kwaɀo kuȿikira rini?

⁴ Ʋanoŋgotaura haʋo, ʋanotaura ʋaciɀikudza, Ʋaiti ʋose ʋeɀakaipa ʋanoita manyawi.

⁵ Ʋanopxanya ʋanhu ʋenyu, Jehova, Ʋacitambudza nhaka yenyu.

⁶ Ʋanoʋuraya cirikadzi nomŋeni, Nenherera ʋanodziʋuraya.

⁷ Ʋaciti: Jehova haaɀiʋoni, Mŋari waJakobo haaɀiraŋgariri.

⁸ Raŋgarirai imi ʋasinenjere pakati paʋanhu; Nemi mapenzi, mucaʋa ʋakacenjera riniko?

⁹ Iye, wakasima nzeʋe, haaŋganzwi here? Iye, wakaʋumba ziso, haaŋgaʋoni here?

¹⁰ Iye, unoraŋga ʋahedeni, haaŋgarairi here, Iye, unodzidzisa ʋanhu ziʋo?

¹¹ Jehova unoziʋa kufuŋga kwaʋanhu, Kuti haɀinamaturo.

¹² Wakaropafadzwa munhu, unoraŋgwa nemi, Jehova, Iye wamunodzidzisa pamurairo wenyu;

¹³ Kuti mumuzorodzei pamazuʋa okutambudzika, Kuȿikira ʋakaipa ʋacererwa gomba.

¹⁴ Nokuti Jehova haaŋgarashi ʋanhu ʋake, Ʋuye haaŋgasiyi nhaka yake.

¹⁵ Nokuti kutoŋga kucadzokera kukururama; Ʋose ʋanemŋoyo yakarurama ʋacakuteʋera.

¹⁶ Ndianiko ucandirwira paʋaiti ʋeɀakaipa? Ndianiko ucandiɓatsira panaʋanoita ɀakaipa?

¹⁷ Ƌai Jehova asaiʋa muɓatsiri waŋgu, Mŋeya waŋgu uŋgaɗai wakakurumidza kugara pakati ŋwii.

¹⁸ Paŋguʋa yandakati: Rutsoka rwaŋgu rwotedzemuka; Ŋgoni dzenyu, Jehova, dzakanditsigira.

¹⁹ Mundaŋgariro dzaŋgu zhinji mukati maŋgu Kunyaradza kwenyu kunofadza mŋeya waŋgu.

²⁰ Cigaro ceɀakaipa ciŋgashamŋaridzana nemi here, Ico cinofuŋga kuita ɀakashata nemitemo yaco?

²¹ Ʋanoʋuŋganira ʋupenyu bgowakarurama, Ʋacipa mhoȿa ropa risinemhoȿa.

²² Asi Jehova ndiye nhare yaŋgu yakasimba; Mŋari waŋgu iɗombo roʋutiziro bgaŋgu.

²³ Ucadzosera pamsoro paʋo kutadza kwaʋo, Ucaʋaparadza pakati pokuipa kwaʋo; Jehova Mŋari weɗu ucaʋaparadza.