Mapisarema 92 - Baiberi Magwaro Matȿene aMŋari 1949 (Doke)

Rwiyo rwokurumbidza Jehova.

Pisarema, rwiyo rwesaɓata.

¹ Ɀakanaka kuʋoŋga Jehova, Nokuimbira zita renyu nziyo dzokurumbidza, imi Wokumsoro‐soro;

² Kuparidza ʋunyoro bgenyu maŋgwanani, Nokutendeka kwenyu ʋusiku bgose,

³ Necinoridzwa cinehuŋgiso gumi, nomuteŋgeranwa; Nenzwi rakanaka pambira.

⁴ Nokuti imi, Jehova, makandifadza neɀamakaita; Ndicafara kwaɀo namaɓasa amaʋoko enyu.

⁵ Maɓasa enyu akakura seiko, Jehova! Mifuŋgo yenyu yakadzika kwaɀo.

⁶ Usinenjere haaɀiziʋi; Ƃenzi harinzwisisi iɀoɀi:

⁷ Kana ʋakaipa ʋacimera soʋuswa, Ʋuye kana ʋaiti ʋose ʋeɀakaipa ʋacikura; Ɀinoitwa kuti ʋaparadzwe nokusiŋgaperi.

⁸ Asi imi Jehova, muri kumsoro nokusiŋgaperi.

⁹ Nokuti tarirai; Jehova, ʋaʋeŋgi ʋenyu, Nokuti tarirai, Jehova, ʋaʋeŋgi ʋenyu ʋacaparara; Ʋaiti ʋose ʋeɀakaipa ʋacaparadzirwa.

¹⁰ Asi runyaŋga rwaŋgu makarusimudza sorunyaŋga rwenyati; Ndakazodzwa namafuta matȿa.

¹¹ Ziso raŋgu rakaʋona ɀakaitirwa ʋaʋeŋgi ʋaŋgu, Nzeʋe dzaŋgu dzakanzwa ɀakaitirwa ʋaiti ʋeɀakaipa, ʋakandimukira.

¹² Wakarurama ucamera somucindwe; Ucakura somusidari paRebanoni.

¹³ Ʋakasimŋa mumba maJehova Ʋacakura muʋazhe dzaMŋari weɗu.

¹⁴ Ʋacaramba ʋaciɓereka ɀiɓereko pakukwegura kwaʋo; Ʋacaʋa ʋanyoro naʋatȿa;

¹⁵ Kuti ʋaparidze kuti Jehova wakarurama; Ndiye ɗombo raŋgu, hapanecinhu cisina‐kururama maari.