Mapisarema 89 - Baiberi Magwaro Matȿene aMŋari 1949 (Doke)

Jehova unorumbidzwa pamsoro poʋukuru bgake nesuŋgano yake naDavidi.

Rwiyo rweMashiri rwaEtani muEzrahi.

¹ Ndicaimba ndicireʋa ŋgoni dzaJehova nokusiŋgaperi; Ndicaparidza nomuromo waŋgu kutendeka kwenyu kumrudzi namarudzi.

² Nokuti ndakati: Ŋgoni dzicaʋakwa nokusiŋgaperi; Mucasimbisa kutendeka kwenyu mukuɗeŋga‐ɗeŋga mumene.

³ Ndakaita suŋgano nomusanaŋgurwa waŋgu, Ndakapika kumuranda waŋgu Davidi, ndiciti:

⁴ Ndicamisa ʋana ʋako nokusiŋgaperi, Nokuʋaka cigaro cako coʋushe kuȿikira kumarudzi namarudzi.

⁵ Kuɗeŋga‐ɗeŋga kucarumbidza ɀishamiso ɀenyu, Jehova; Nokutendeka kwenyu ʋo paʋuŋgano yaʋatȿene.

⁶ Nokuti ndianiko muɗeŋga rose uŋgaenzaniswa naJehova? Ndianiko pakati paʋanakomana ʋaMŋari wakafanana naJehova?

⁷ Iye Mŋari unotyiwa ɀikuru paʋuŋgano yaʋatȿene, Unofanira kutyiwa kupfuʋura ʋose ʋanomupoteredza.

⁸ Haiwa, Jehova, Mŋari wehondo, Ndianiko unesimba, wakafanana nemi, Jehova? Kutendeka kwenyu kunokukomberedzai.

⁹ Ndimi munoɓata kuɀikudza kweguŋgwa; Kana mafuŋgu aro acisimuka, ndimi munoanyaradza.

¹⁰ Makaputsanya Rahabi, somunhu wakaʋurawa; Makaparadzira ʋaʋeŋgi ʋenyu noruʋoko rwenyu runesimba.

¹¹ Kuɗeŋga‐ɗeŋga ndokwenyu, napasi ndopenyu ʋo; Nyika neɀose ɀayo, ndimi makaɀiteya.

¹² Kumsoro nenyasi, ndimi makaɀisika; Tabori neHermoni anofara nezita renyu.

¹³ Munoruʋoko runesimba; Canza cenyu cinesimba, ruʋoko rwenyu rworudyi rwakasimudzwa.

¹⁴ Kururama nokururamisa ndidzo nheyo dzecigaro cenyu coʋushe; Ŋgoni neɀokwaɗi ɀinokutuŋgamirirai.

¹⁵ Ʋakaropafadzwa ʋanhu ʋanoziʋa inzwi romufaro; Ʋanofamba, Jehova, muciedza ceciso cenyu.

¹⁶ Ʋanofara muzita renyu zuʋa rose; Ʋanosimudzwa nokururama kwenyu.

¹⁷ Nokuti imi muri kubginya kwesimba raʋo; Runyaŋga rweɗu rucasimudzwa netsitsi dzenyu.

¹⁸ Nokuti nhoʋo yeɗu ndeyaJehova; Namambo weɗu ndowoMutȿene waIsraeri.

¹⁹ Paŋguʋa iyo makataura naʋatsene ʋenyu pakuɀiratidza kwenyu, Mukati: Ndakaɓatsira mhare; Ndakasimudza mumŋe wakasanaŋgurwa pakati paʋanhu.

²⁰ Ndakawana Davidi muranda waŋgu; Ndakamuzodza namafuta aŋgu matȿene;

²¹ Canza caŋgu cicasimbiswa naye; Ruʋoko rwaŋgu ʋo rucamusimbisa.

²² Muʋeŋgi haaŋgamumanikidzi; Mŋanakomana weɀakaipa haaŋgamutambudzi.

²³ Ndicaparadza ʋadziʋisi ʋake pamberi pake, Ndicaroʋa ʋanomuʋeŋga.

²⁴ Asi kutendeka kwaŋgu neŋgoni dzaŋgu ɀicaʋa naye; Runyaŋga rwake rucasimudzwa nezita raŋgu.

²⁵ Ndicaisa ʋo ruʋoko rwake pamsoro peguŋgwa, Noruʋoko rwake rworudyi pamsoro penzizi.

²⁶ Iye ucaɗana kwandiri, aciti: Ndimi ɓaɓa ʋaŋgu, Mŋari waŋgu, neɗombo rokuponeswa kwaŋgu.

²⁷ Ndicamuita ʋo ɗaŋgwe raŋgu, Mukuru wamadzimambo apasi.

²⁸ Ndicamuceŋgetera ŋgoni dzaŋgu nokusiŋgaperi, Suŋgano yaŋgu icaramba yakasimba kwaari.

²⁹ Ʋana ʋake ndicaʋagarisa ʋo nokusiŋgaperi, Cigaro cake coʋushe cicafanana namazuʋa okuɗeŋga.

³⁰ Kana ʋana ʋake ʋakasiya murairo waŋgu, Ʋakasafamba neɀandakatoŋga;

³¹ Kana ʋakaɀidza ɀandakatema, Ʋakasaceŋgeta mirau yaŋgu;

³² Ipapo ndicaʋaraŋga neshamhu pamsoro pokuɗarika kwaʋo, Ʋuye nokuroʋa pamsoro pokuipa kwaʋo.

³³ Asi handiŋgamutoreri ʋunyoro bgaŋgu cose, Kana kutendera kutendeka kwaŋgu kuitiswa nhema.

³⁴ Suŋgano yaŋgu handiŋgaiɀidzi, Kana kushandura cinhu cakaɓuɗa pamuromo waŋgu.

³⁵ Ndakapika kamŋe cete noʋutȿene bgaŋgu; Handiŋgareʋi nhema kunaDavidi;

³⁶ Ʋana ʋake ʋacaʋa’po nokusiŋgaperi, Cigaro cake coʋushe cicafanana nezuʋa pamberi paŋgu.

³⁷ Cicasimbiswa nokusiŋgaperi somŋedzi, Secapupu cakatendeka ciri kuɗeŋga.

³⁸ Asi imi makarasha nokuramba, Makatsamŋira muzodzwa wenyu.

³⁹ Makasema suŋgano yomuranda wenyu; Makaɀidza korona yake mukaikandira pasi.

⁴⁰ Makaputsa madziro ake ose; Makaita nhare dzake matoŋgo.

⁴¹ Ʋose ʋanopfuʋura nenzira ʋanopamba nhumbi dzake; Waʋa cinhu cinosekwa naʋaanogara naʋo.

⁴² Makasimudza ruʋoko rworudyi rwaʋadziʋisi ʋake; Makafadza ʋaʋeŋgi ʋake ʋose.

⁴³ Ɀirokwaɀo, munodzosa munondo wake unopinza, Hamuna‐kumusimbisa pakurwa.

⁴⁴ Makagumisa kubginya kwake, Makawisira pasi cigaro cake coʋushe.

⁴⁵ Makatapudza mazuʋa oʋujaya bgake; Makamufukidza nokunyara.

⁴⁶ Jehova, mucaɀiʋanza nokusiŋgaperi kuȿikira riniko? Kutsamŋa kwenyu kucapisa somŋoto kuȿikira riniko?

⁴⁷ Haiwa, raŋgarirai kuti ŋguʋa yaŋgu ifupi kwaɀo; Kuti makasikira ʋana ʋaʋanhu ʋose ɀinhu ɀisinamaturo kwaɀo!

⁴⁸ Ndoupiko munhu uŋgararama akasaʋona kufa, Uŋgarwira mŋeya wake pasimba reSheori here?

⁴⁹ Ishe, ʋunyoro bgenyu bgakare ʋuripiko, Bgamakapika kunaDavidi nokutendeka kwenyu here?

⁵⁰ Raŋgarirai, Ishe, kushoʋorwa kwaʋaranda ʋenyu; Kuti ndinotakura mucifuʋa caŋgu kushoʋora kwaʋanhu ʋazhinji;

⁵¹ Uko kwakashoʋora ʋaʋeŋgi ʋenyu nako, Jehova, Kwaʋakashoʋora nako makwara omuzodzwa wenyu.

⁵² Jehova ŋgaaʋoŋgwe nokusiŋgaperi. Ameni, ɀirokwaɀo, Ameni.