Mapisarema 88 - Baiberi Magwaro Matȿene aMŋari 1949 (Doke)

Kucema kwomunhu uri panjodzi huru‐huru.

Rwiyo, Pisarema raʋanakomana ʋaKora; kumutuŋgamiriri wokuimba; nomuimbirwe weMaharati Reanoti. Rwiyo rweMashiri rwaHemani muEzrahi.

¹ Jehova, Mŋari muponesi waŋgu, Ndakacema masikati noʋusiku pamberi penyu;

² Munyeŋgetero waŋgu ŋgaupinde pamberi penyu; Rerekerai nzeʋe yenyu munzwe kucema kwaŋgu;

³ Nokuti mŋeya waŋgu uzere namaɗambudziko, Ʋupenyu bgaŋgu bgosweɗera kuSheori.

⁴ Ndinoʋereŋgwa pamŋe cete naʋanoɓurukira kugomba; Ndakafanana nomunhu unoshaiwa muɓatsiri;

⁵ Ndakarashirwa pakati paʋakafa, Saʋakaʋurawa ʋaʋete mubgiro, Ʋamusati mucaraŋgarira; Ʋakagurwa paruʋoko rwenyu.

⁶ Makandiisa mugomba rakadzika‐dzika, Panɀimbo dzinerima, makadzika kwaɀo.

⁷ Hasha dzenyu dzinorema kwaɀo pamsoro paŋgu, Makanditambudza namafuŋgu enyu ose.

⁸ Makaisa ʋazikani ʋaŋgu kure neni; Makandiita cinhu cinonyaŋgadza kwaʋari; Ndakapfigirwa, handigoni kuɓuɗa.

⁹ Ziso raŋgu ropera nemhaka yokutambudzika; Ndakaɗana kwamuri, Jehova, zuʋa rimŋe nerimŋe, Ndakatambanudzira maʋoko aŋgu kwamuri.

¹⁰ Muŋgaitira ʋakafa ɀinoshamisa here? Ko ʋakaparara ʋaŋgamuka ʋakakurumbidzai here?

¹¹ Ʋunyoro bgenyu ʋuŋgaparidzwa mubgiro here? Kana kutendeka kwenyu mukuparadza here?

¹² Ɀishamiso ɀenyu ɀiŋgazikanwa murima here? Nokururama kwenyu panyika yokukaŋganwa here?

¹³ Asi ndakacema kwamuri, Jehova, Munyeŋgetero waŋgu ucaȿika pamberi penyu maŋgwanani.

¹⁴ Jehova, munorashireiko mŋeya waŋgu? Munoʋanzireiko ciso cenyu kwandiri?

¹⁵ Kubva paʋuɗuku bgaŋgu ndakaŋga ndicitambudzwa ndicirwiso‐fa; Kana ndicityiswa nemi ndinoshaiwa mano.

¹⁶ Kutsamŋa kwenyu kukuru kwakapfuʋura napamsoro paŋgu; Kutyisa kwenyu kwakandiparadza.

¹⁷ Ɀakandikomberedza zuʋa rose semvura; Ɀakandipoteredza pamŋe cete.

¹⁸ Iye, unondiɗa, neshamŋari yaŋgu, makaʋaisa kure neni, Nomuzikani waŋgu uri murima.