Mapisarema 84 - Baiberi Magwaro Matȿene aMŋari 1949 (Doke)

Mufaro uri paimba yaMŋari.

Kumutuŋgamiriri wokuimba; nomuimbirwe weGititi. Pisarema raʋanakomana ʋaKora.

¹ Ʋugaro bgenyu ʋunoɗikanwa sei, Imi Jehova wehondo!

² Mŋeya waŋgu unoshuʋa, ɀirokwaɀo unopaŋga ʋazhe dzaJehova; Mŋoyo waŋgu nenyama yaŋgu ɀinoɗana kunaMŋari mupenyu.

³ Ɀirokwaɀo, shiri yakaɀiwanira imba, Nyeŋganyeŋga yakaɀiwanira ɗendere, painoisa ʋana ʋayo, Ipo paartari dzenyu, Jehova wehondo, Mambo waŋgu, naMŋari waŋgu.

⁴ Ʋakaropafadzwa ʋanogara mumba menyu; Ʋacagara ʋacikurumbidzai.

⁵ Wakaropafadzwa munhu unesimba rake mamuri; Unemigwagwa inoenda Zioni mumŋoyo make.

⁶ Kana ʋacipfuʋura nomumupata wakawoma, ʋanouita nɀimbo inamatsime; Ɀirokwaɀo, mvura yomunhuruka inoufukidza nemikomborero.

⁷ Ʋanowedzera simba pasimba raʋo, Mumŋe nomumŋe waʋo unoȿika pamberi paMŋari paZioni.

⁸ Haiwa, Jehova wehondo, inzwa munyeŋgetero waŋgu; Tererai nenzeʋe, Mŋari waJakobo.

⁹ Tarirai, Mŋari, nhoʋo yeɗu, Muʋone ciso comuzodzwa wenyu.

¹⁰ Nokuti zuʋa rimŋe paʋazhe dzenyu rinokunda mamŋe anecuru pakunaka. Ndinoti ɀirinani kuti ndiʋe murindi womukoʋa mumba maMŋari waŋgu, Pakuti ndigare pamatente aʋaneɀakaipa.

¹¹ Nokuti Jehova Mŋari izuʋa nenhoʋo; Jehova ucapa nyasha nokukudzwa; Hapanecinhu cakanaka caaŋganyima ʋanofamba nokururama.

¹² Jehova wehondo, Wakaropafadzwa munhu unoʋimba nemi.