Mapisarema 81 - Baiberi Magwaro Matȿene aMŋari 1949 (Doke)

Ʋanhu ŋgaʋarumbidze Jehova, ʋamutende iye oga.

Kumutuŋgamiriri wokuimba; neGititi. Pisarema raAsafi.

¹ Imbirai Mŋari kwaɀo, iye simba reɗu; Pururudzai kunaMŋari waJakobo.

² Ʋambai rwiyo, muridze ŋgoma, Nembira dzinonakidza nomuteŋgeranwa.

³ Ridzai hwamanda pakugara kwomŋedzi, Napakucena kwomŋedzi, pamutambo weɗu wakatarwa.

⁴ Nokuti ndiɀo ɀakatemerwa Israeri, Ɀakarairwa naMŋari waJakobo.

⁵ Wakaɀitema munaJosefa kuti ciʋe cipupuriro, Paŋguʋa yaakandorwa nenyika yeEgipita; Pandakanzwa rurimi rwandakaŋga ndisiŋgaziʋi.

⁶ Ndakabvisa mutoro pafudzi rake; Maʋoko ake akaregedza ɗeŋgu.

⁷ Iwe wakaɗana pakutambudzika, ndikakurwira; Ndakakupindura ndiri panoʋanda kutinhira; Ndakakuidza pamvura zhinji yeMeriba.

⁸ Inzwai ʋanhu ʋaŋgu, ndikupupurirei; Haiwa Israeri, ɗai waiɗa hako kunditerera!

⁹ Ŋgakurege kuʋa’po pakati penyu mŋari wokumŋe; Musanamata kunomumŋe mŋari waʋatorwa.

¹⁰ Ndini Jehova Mŋari wako, Wakakuɓuɗisa panyika yeEgipita; Shamisa muromo wako kwaɀo, ndigouzadza.

¹¹ Asi ʋanhu ʋaŋgu haʋana‐kuterera inzwi raŋgu; Israeri wakandiramba cose.

¹² Saka ndakaʋaregera paʋukukutu bgemŋoyo yaʋo, Kuti ʋafambe namano aʋo.

¹³ Haiwa, ɗai ʋanhu ʋaŋgu ʋainditerera haʋo, Ƌai Israeri aifamba nenzira dzaŋgu!

¹⁴ Ndiŋgaɗai ndakakurumidza kukunda ʋaʋeŋgi ʋaʋo, Nokuroʋa ʋadziʋisi ʋaʋo noruʋoko rwaŋgu.

¹⁵ Ʋanoʋeŋga Jehova ʋaiɀiisa pasi pake; Asi ŋguʋa yaʋo yaiʋa’po nokusiŋgaperi.

¹⁶ Uŋgaɗai aiʋadyisa ʋo ɀiyo ɀakaiȿo‐naka; Ndaikugutsa noʋuci ʋunobva paɗombo.