Mapisarema 80 - Baiberi Magwaro Matȿene aMŋari 1949 (Doke)

Mŋari ŋgaarwire muzambiriŋga wake.

Kumutuŋgamiriri wokuimba; nomuimbirwe weShoshanimi Eduti. Pisarema raAsafi.

¹ Tererai nenzeʋe, Mufudzi waIsraeri, Iyemi munotuŋgamirira Josefa seɓoka reɀipfuwo; Imi mugere pakati pamakerubi, penyai!

² Mutsai simba renyu pamberi paEfraimi naBenjamini naManase, Muʋuye kuzotirwira.

³ Tidzoserei ɀe, Mŋari; Penyisai ciso cenyu, isu tiponeswe.

⁴ Jehova, Mŋari wehondo, Mucatsamŋira munyeŋgetero waʋanhu ʋenyu kuȿikira riniko?

⁵ Makaʋadyisa ɀokudya ɀemisodzi, Nokuʋanwisa misodzi yakawanda kwaɀo.

⁶ Makatiita cinhu cinoitirwa nharo naʋatigere naʋo; Ʋaʋeŋgi ʋeɗu ʋanotiseka pakati paʋo.

⁷ Tidzoserei ɀe, Mŋari wehondo; Penyisai ciso cenyu, isu tiponeswe.

⁸ Makandotora muzambiriŋga paEgipita; Makadziŋga ʋahedeni, mukausima.

⁹ Makaugadzirira, Ukaɓata kwaɀo, ukazadza nyika.

¹⁰ Makomo akafukidzwa nomumvuri wawo, Nemisidari yaMŋari namataʋi awo.

¹¹ Wakatandisa mataʋi awo kuȿikira paguŋgwa, Namashizha awo kuȿikira kuRwizi.

¹² Makaputsireiko mhanda dzawo, Kuti ʋose ʋanopfuʋura nenzira ʋautanhe?

¹³ Ŋguruʋe yomuɗondo inouparadza, Mhuka dzesaŋgo dzinoudya.

¹⁴ Ƌodzokai henyu, Mŋari wehondo, Tarirai muri kuɗeŋga, muʋone, muʋe nehanya nomuzambiriŋga uyu.

¹⁵ Muceŋgete cakasimŋa noruʋoko rwenyu rworudyi, Nomŋanakomana, wamakaɀirerera.

¹⁶ Wapiswa nomŋoto, watemŋa; Ʋanopera nokutuka kweciso cenyu.

¹⁷ Ruʋoko rwenyu ŋgaruʋe pamsoro pomunhu woruʋoko rwenyu rworudyi, Pamsoro pomŋanakomana womunhu, wamakaɀirerera.

¹⁸ Ipapo hatiŋgazobvi kwamuri; Tiraramisei isu, tigoɗana zita renyu.

¹⁹ Tidzoserei ɀe, Jehova Mŋari wehondo; Penyisai ciso cenyu, isu tiponeswe.