Mapisarema 78 - Baiberi Magwaro Matȿene aMŋari 1949 (Doke)

Raŋgarirai ɀamakaitirwa.

Rwiyo rweMashiri rwaAsafi.

¹ Tererai murairo waŋgu, imi ʋanhu ʋaŋgu; Rerekerai nzeʋe dzenyu munzwe mashoko omuromo waŋgu.

² Ndicashamisa muromo waŋgu nditaure nomufananidzo; Ndicaparidza mashoko akaʋanzika ekare,

³ Ɀatakanzwa neɀatakaziʋa, Neɀatakaʋudzwa namadziɓaɓa eɗu.

⁴ Hatiŋgaɀiʋanziri ʋana ʋaʋo, Asi ticaʋudza rudzi runoteʋera maɓasa aŋgarumbidzwa aJehova, Nesimba rake, namaɓasa ake, anoshamisa, aakaita.

⁵ Nokuti wakamutsa cipupuriro pakati paJakobo, Akatema murairo pakati paIsraeri, Akaɀiraira madziɓaɓa eɗu, Kuti ʋaɀiziʋise ʋana ʋaʋo;

⁶ Kuti rudzi runoteʋera ruɀiziʋe, iʋo ʋana ʋacazoɓerekwa; Iʋo ʋasimuke ʋaɀiʋudze ʋana ʋaʋo;

⁷ Kuti tariro yaʋo iʋe kunaMŋari, Ʋarege kukaŋganwa maɓasa aMŋari, Asi ʋaceŋgete mirairo yake;

⁸ Ʋarege kufanana namadziɓaɓa aʋo, Rwakaŋga ruri rudzi rusiŋgatereri, rwakamukira Mŋari. Rudzi rwakaramba kururamisa mŋoyo yaʋo, Ʋuye mŋeya yaʋo yakaŋga isinokutendeka kunaMŋari.

⁹ Ʋana ʋaEfraimi, kunyaŋge ʋakaŋga ʋakashoŋga nhumbi dzokurwa noʋuta, Ʋakadzokera shure pazuʋa rokurwa.

¹⁰ Haʋana‐kuceŋgeta suŋgano yaMŋari, Ʋakaramba kufamba nomurairo wake;

¹¹ Ʋakakaŋganwa ɀaakaita, Namaɓasa ake akashamisa, aakaʋaratidza.

¹² Wakaita ɀinhu ɀinoshamisa pamberi pamadziɓaɓa aʋo, Panyika yeEgipita, pasaŋgo reZoani.

¹³ Wakapamura guŋgwa, akaʋayambusa; Akamisa mvura ikafanana nomurwi.

¹⁴ Masikati ʋo wakaʋafambisa negore, Noʋusiku bgose neciedza comŋoto.

¹⁵ Wakapamura matombo murenje, Akaʋanwisa ɀakanaka kwaɀo sapamvura inobva pakadzika.

¹⁶ Wakaɓuɗisa ʋo hoʋa dzemvura paɗombo, Akayererisa mvura zhinji yakaita senzizi.

¹⁷ Kunyaŋge ɀakaɗaro ʋakaramba ʋacimutadzira, Nokumukira Wokumsoro‐soro murenje.

¹⁸ Ʋakaidza Mŋari mumŋoyo maʋo Ʋacikumbira ɀokudya ɀaʋakaŋga ʋaciɗa iʋo.

¹⁹ Ɀirokwaɀo, ʋakapopotera Mŋari; Ʋakati: Mŋari uŋgatigadzirira tafura murenje here?

²⁰ Tarirai, wakaroʋa ɗombo, mvura zhinji ikadzutuka, Hoʋa dzakayerera; Ko uŋgapa ciŋgwa ʋo here? Uŋgaʋigira ʋanhu ʋake nyama here?

²¹ Saka Jehova wakanzwa, akatsamŋa; Mŋoto ukaʋeserwa Jakobo, Kutsamŋa kukamukira Israeri;

²² Nokuti haʋana‐kutenda Mŋari, Haʋana‐kuʋimba nokuponesa kwake.

²³ Kunyaŋge ɀakaɗaro wakaraira ɗeŋga rose kumsoro, Akazarura mikoʋa yokuɗeŋga;

²⁴ Akanisa mana pamsoro paʋo kuti ʋadye, Akaʋapa ɀiyo ɀokuɗeŋga.

²⁵ Ʋanhu ʋakadya ciŋgwa caʋatumŋa; Wakaʋatumira ɀokudya kuȿikira ʋaguta.

²⁶ Wakaɓuɗisa mhepo yakabva mabvazuʋa, ikarira kuɗeŋga; Akafambisa mhepo yakabva nyasi nesimba rake.

²⁷ Wakanisa ʋo nyama pamsoro paʋo ikaita seguruʋa, Neshiri, dzinamapapiro, dzikaita sejeca reguŋgwa;

²⁸ Wakaɀiwisira pakati pemisasa yaʋo, Pose‐pose paʋakaŋga ʋagere.

²⁹ Ipapo ʋakadya, ʋakaguta kwaɀo; Akaʋapa ɀaʋakaŋga ʋacikarira.

³⁰ Ʋakaŋga ʋasati ʋanyaradza kukara kwaʋo, Ɀokudya ɀaʋo ɀakaŋga ɀiciri mumiromo yaʋo,

³¹ Kutsamŋa kwaMŋari kukaʋamukira, Akaʋuraya ʋakakoresa pakati paʋo, Akaparadza majaya aIsraeri.

³² Kunyaŋge ɀakaɗaro ʋakaramba ʋacitadza, Ʋakasatenda maɓasa ake aishamisa.

³³ Saka wakapedza mazuʋa aʋo paneɀisinamaturo, Namakore aʋo paneɀinotyisa.

³⁴ Ɀino wakati aciʋaʋuraya, ipapo ʋakamubvunza; Ʋakadzoka, ʋakashiŋgaira kutȿaka Mŋari.

³⁵ Ʋakaraŋgarira kuti Mŋari ndiye ɗombo raʋo, NaMŋari Wokumsoro‐soro mudzikinuri waʋo.

³⁶ Asi ʋakamuɓata kumeso nomuromo waʋo, Ʋakamureʋera nhema nendimi dzaʋo.

³⁷ Nokuti mŋoyo yaʋo yakaŋga isinakururama kwaari, Ʋuye ʋakaŋga ʋasina‐kutendeka pasuŋgano yake.

³⁸ Asi iye, ɀaakaŋga anenyasha huru, wakaʋakaŋganwira kuipa kwaʋo, akasaʋaparadza; Ɀirokwaɀo, kazhinji wakadzora kutsamŋa kwake, Akasamutsa hasha dzake dzose.

³⁹ Akaraŋgarira kuti ʋakaŋga ʋari nyama ɓedzi; Nemhepo, inopfuʋura, isiŋgadzoki ɀe.

⁴⁰ Ʋakamumukira murenje kazhinji sei, Nokumunzwisa shuŋgu muciwunde!

⁴¹ Ʋakapamhidza ɀe, ʋakaidza Mŋari, Ʋakadziʋisa Mutȿene waIsraeri.

⁴² Haʋana‐kuraŋgarira ruʋoko rwake, Kana zuʋa raakaʋadzikinura pamudziʋisi.

⁴³ Paŋguʋa yaakaʋaratidza ɀiratidzo ɀake paEgipita, Neɀishamiso ɀake pasaŋgo reZoani;

⁴⁴ Akashandura nzizi dzaʋo dzikaʋa ropa, Nehoʋa dzaʋo, ʋakakoniwa kunwa mvura yadzo.

⁴⁵ Akatuma pakati paʋo mapupira enhunzi, dzakaʋaruma; Namatafi, akaʋaparadza.

⁴⁶ Ɀiɓereko ɀaʋo wakaɀipa mhundururu, Ɀaʋakaɓatira wakaɀipa mhashu.

⁴⁷ Wakaparadza mizambiriŋga yaʋo necimvuramabge, Nemiʋonde yaʋo necando.

⁴⁸ Ŋombe dzaʋo wakadziisa ʋo pacimvuramabge, Ɀipfuwo ɀavo wakaɀiisa pamheni.

⁴⁹ Wakatuma pakati paʋo kutsamŋa kwake kukuru, Nehasha neshuŋgu nokutambudza, Rikaita ɓoka raʋatumŋa ʋeɀakaipa.

⁵⁰ Wakagadzirira kutsamŋa kwake nzira; Haana‐kubvisa mŋeya waʋo parufu, Asi wakaisa ʋupenyu bgaʋo kuhosha;

⁵¹ Akaroʋa mataŋgwe ose paEgipita, Iʋo ʋokutaŋga ʋesimba raʋo pamatente aHami;

⁵² Asi wakaɓuɗisa ʋanhu ʋake samakwai, Akaʋaperekedza murenje seɓoka reɀipfuwo.

⁵³ Akaʋafambisa ʋakafara, ʋakasatya; Asi guŋgwa rakafukidza ʋaʋeŋgi ʋaʋo.

⁵⁴ Akaʋaȿitsa panyika yake tȿene, Pagomo iri, raakateŋga noruʋoko rwake rworudyi.

⁵⁵ Akadziŋga ʋo ndudzi pamberi paʋo, Akaʋaganhurira iʋo ʋaʋe nhaka yaʋo, Akagarisa ʋaIsraeri pamatente aʋo.

⁵⁶ Kunyaŋge ɀakaɗaro ʋakaidza Mŋari Wokumsoro‐soro, ʋakamumukira, Ʋakasaceŋgeta ɀipupuriro ɀake;

⁵⁷ Asi ʋakadzoka, ʋakaita ɀinonyeŋgera. Ʋakatsauka soʋuta ʋunonyeŋgera.

⁵⁸ Nokuti ʋakamutsa kutsamŋa kwake namatunhu aʋo akakwirira, Ʋakamutsa goɗo rake neɀifananidzo ɀaʋo ɀakaʋeziwa.

⁵⁹ Ɀino Mŋari wakati aciɀinzwa, akatsamŋa kwaɀo, Akasema Israeri kwaɀo‐kwaɀo.

⁶⁰ Akabva patabernakeri yeShiro, Tente raakaŋga akaisa pakati paʋanhu;

⁶¹ Akaisa simba rake mukutapxa, Nokubginya kwake muruʋoko rwomudziʋisi.

⁶² Ʋanhu ʋake wakaʋaisa ʋo kumunondo; Akatsamŋira nhaka yake kwaɀo.

⁶³ Mŋoto wakapedza majaya aʋo; Ʋasikana ʋaʋo haʋana‐kuimbirwa pakuwanikwa kwaʋo.

⁶⁴ Ʋaprista ʋaʋo ʋakaʋurawa nomunondo; Cirikadzi dzaʋo hadzina‐kucema.

⁶⁵ Ipapo Ishe wakapepuka somunhu wakaŋga aʋete, Semhare inoridza mhere nokuɗa kwewaini.

⁶⁶ Akaroʋa ʋadziʋisi ʋake, ʋakadzokera shure; Akaʋanyadzisa ɀisiŋgaperi.

⁶⁷ Wakaramba ʋo tente raJosefa, Akasasanaŋgura rudzi rwaEfraimi.

⁶⁸ Asi wakasanaŋgura rudzi rwaJuda, Negomo reZioni raakaŋga aciɗa.

⁶⁹ Akaʋaka nɀimbo yake tȿene senhare dzakakwirira, Sapasi paakateya nokusiŋgaperi.

⁷⁰ Wakasanaŋgura ʋo Davidi muranda wake, Akamubvisa pamataŋga amakwai;

⁷¹ Akandomutora paaifudza matunɀi aimŋisa, Kuti aʋe mufudzi waʋanhu ʋake Jakobo, naIsraeri nhaka yake.

⁷² Naiɀoɀo wakaʋafudza nokururama kwomŋoyo wake; Akaʋaperekedza noʋucenjeri bgamaʋoko ake.