Mapisarema 87 - Shona BIBLE

Mbiri yeZioni

Pisarema ravanakomana vaKora; rwiyo.

¹ Nheyo dzake dziri pamakomo matsvene.

² Jehovha anoda magedhi eZioni Kupfuura pose panogara Jakobho.

³ Zvinhu zvakanakisa zvinotaurwa pamusoro pako, Iwe guta raMwari.

⁴ Rahabhi neBhabhironi ndichati vari pakati pavanondiziva; “Tarirai, Firisitia, neTaya, neItiopia; Munhu uyu akazvarirwako.”

⁵ Zvirokwazvo, pamusoro peZioni vachati, “Uyu nouyo vakazvarirwamo; Naiye Wokumusorosoro amene acharisimbisa.”

⁶ Jehovha achaverenga, pakunyora kwake ndudzi, achiti, “Munhu uyu akazvarirwako.”

⁷ Vanoimba navanotamba, vachati, “Matsime angu ose ari mauri.”