Neemia 12 - O LE TUSI PAIA

O LE MATAUPU XII. O faitaulaga ma sa Levi na o ae ma Serupapelu. O le faasaina o le pa.

¹ O faitaulaga nei ma sa Levī na o ae faatasi ma Serupapelu le atalii o Salatielu, ma Iosua; o Seraia, o Ieremia, o Esera,

² o Amaria, o Maluka, o Hatusa,

³ o Sekania, o Rekuma, o Meremota,

⁴ o Itu, o Gineto, o Avia,

⁵ o Meamina, o Maatia, o Pileka,

⁶ o Semaia, ma Ioaripa, o Ietaia,

⁷ o Salu, O Amoka, o Hilikia, ma Ietaia. O matai ia o faitaulaga ma o latou uso i ona aso o Iosua.

⁸ O sa Levī foi; o Iosua, o Pinui, o Katameeli, o Serepea, o Iuta, ma Matania, o le na pule i le faafetai, o ia ma ona uso.

⁹ O Pakepuka foi ma Uni, o latou uso, sa faafeagai ma i latou i leoleoga.

¹⁰ Na fanaua e Iosua o Ioiakima, na fanaua foi e Ioiakima o Eliasipa, na fanaua foi e Eliasipa o Ioata,

¹¹ na fanaua foi e Ioata o Ionatana, na fanaua e Ionatana o Iatua.

¹² Sa i ai foi i ona po o Ioiakima o faitaulaga, o matai sili; o Meraia, o lo sa Seraiā; o Hanania, o lo sa Ieremiā;

¹³ o Mesulama, o lo sa Eserā; o Ioanana o lo sa Amariā;

¹⁴ o Ionatana, o lo sa Melikā; o Iosefa, o lo sa Sepaniā;

¹⁵ o Atena, o lo sa Harimā; o Helekia, o lo sa Meraiotā;

¹⁶ o Sakaria, o lo sa Itō; o Mesulama, o lo sa Ginetonū;

¹⁷ o Sekeri, o lo sa Avia; o Piletai, o lo sa Meneaminā, o lo sa Moatiā;

¹⁸ o Samua, o lo sa Pilekā; o Ionatana, o lo sa Semaiā;

¹⁹ o Matenai foi, o lo sa Ioaripā; o Usi o lo sa Ietaiā;

²⁰ o Kalai, o lo sa Salaī; o Eperu, o lo sa Amokā;

²¹ o Hasapeia, o lo sa Hilikiā; o Natanielu, o lo sa Ietaiā.

²² O ona po o Eliasipa, ma Ioata, ma Ioanana, ma Iatua, na tusia ai o sa Levī o matai sili; atoa ma faitaulaga, e oo i le malo o Tariu le Peresia.

²³ Sa tusia i le tusi o tala i nofoaiga, o atalii o Levi, o matai sili, e oo i ona po o Ioanana o le atalii o Eliasipa.

²⁴ O matai foi o sa Levī; o Hasapeia, o Serepea, ma Iosua le atalii o Katameeli, ma o latou uso e faafeagai, e vivii ma faafetai, e tusa ma le poloaiga a Tavita le tagata o le Atua, e auauai i leoleoga.

²⁵ O Matania, ma Pakepuka, o Opetaia, o Mesulama, o Talemoni, ma Akopa, o leoleo faitotoa i latou na leoleo i faaputuga mea i faitotoa.

²⁶ Sa i ai i latou i ona po o Ioiakima le atalii o Iosua, o le atalii ia o Iosataka, ma ona po o Neemia le alii e pule, ma Esera le faitaulaga, le tusiupu.

²⁷ O le faasaina foi o le pa o Ierusalema ua latou sailia sa Levī i o latou aai uma, e au mai ia te i latou i Ierusalema, e fai le faasaina o le pa ma le fiafia, ma faafetai, ma pese, ma sumepalo, ma napeli, ma kitara.

²⁸ Ua faapotopoto mai foi le fanauga a e pepese, ai le fanua laugatasi e siosioina ai Ierusalema, mai faoa aai foi o Netopa;

²⁹ ma Petekilikala, ma fanua o Kipea, ma Asemau; auā na faia ē pepese mo i latou o faoa aai sa faataaliolio i Ierusalema.

³⁰ O faitaulaga ma sa Levī na faamamā i latou ia te i latou, na latou faamamā foi i le nuu, ma faitotoa, ma le pa.

³¹ Ona ou aveina ae lea o alii o Iuta i luga o le pa, ma ou tofia vasega tetele e lua o e faafetai; na savavali foi le tasi vasega i le itu taumatau i luga o le pa, e oo i le faitotoa o le otaota;

³² na mulimuli atu foi ia te i latou o Hosaia, ma le tasi vaega o alii o Iuta,

³³ ma Asaria, o Esera, ma Mesulama,

³⁴ o Iuta, ma Peniamina, ma Semaia, ma Ieremia.

³⁵ O isi atalii foi o faitaulaga ua i ai pu; o Sakaria le atalii o Ionatana, o le atalii ia o Semaia, o le atalii ia o Metania, o le atalii ia o Mekaia, o le atalii ia o Sakura, o le atalii ia o Asafo;

³⁶ ma ona uso, o Semaia, ma Asareelu, O Melali, o Kilali, o Maai, o Natanielu, ma Iuta, ma Hanani, ua i ai laaupese a Tavita le tagata o le Atua, ma Esera le tusiupu i o latou luma.

³⁷ O le faitotoa foi o le vaipuna, sa i o latou luma, na latou o ae ai i le ala faaapefai o le aai o Tavita, i le alu ae o le pa, i luga o le fale o Tavita, e oo atu lava i le faitotoa o le vai i sasae.

³⁸ O lona lua foi o vasega o e na faafetai ua latou savavali i le tasi itu, ua ou mulimuli atu foi ia te i latou, ma le tasi vaega o le nuu i luga o le pa, e afua i ona tala atu o le ‘olo o ogaumu e oo atu i le pa lautele;

³⁹ mai luga foi o le faitotoa o Efaraima, ma luga o le faitotoa tuai, ma luga o le faitotoa o i‘a, ma le ‘olo o Hananiali, ma le ‘olo o Meaa, e oo lava i le faitotoa o mamoe; ma ua latou tutū i le faitotoa o le fale puipui.

⁴⁰ Ona tutū ai lea o vasega e lua o e faafetai i le fale o le Atua, o a‘u foi, ma le tasi vaega o faipule faatasi ma a‘u;

⁴¹ ma faitaulaga; o Eliakimo, o Maaseia, o Meneamina, o Mekaia, o Elioenai, o Sakaria, ma Hanania, ua i ai pu;

⁴² ma Maaseia, ma Semaia, ma Eleasara, ma Usi, ma Ioanana, ma Malekia, ma Elama, ma Esera. Ua pepese foi ma le leo tele o e pepese, ma Isaraia lo latou matai.

⁴³ Ua latou osia foi i le aso o taulaga e tele, ma ua latou fiafia; auā ua faafiafia le Atua ia te i latou i le fiafia tele; o fafine foi ma tama na latou fiafia; ua lagona foi le fiafia o Ierusalema i mea e mamao atu.

⁴⁴ Sa tofia foi i lea aso nisi e pule i potu e tuu ai oloa, ma taulaga, ma mea faapolopolo, ma mea e sefulu a‘i mea, e faapotopoto i ai mai fanua o aai o mea e tusa ma le tulafono mā faitaulaga ma sa Levī; auā na fiafia Iuta ona o faitaulaga ma sa Levī o e na tutū mai.

⁴⁵ O e pepese foi atoa ma leoleo faitotoa, na latou tausiusi i le tofiga a lo latou Atua, ma le tofiga o le faamamāina, e tusa ma le poloaiga a Tavita, ma Solomona lona atalii.

⁴⁶ Auā talu anamua i ona po o Tavita ma Asafo sa i ai matai o e pepese pese, ma pese e vivii ai ma faafetai i le Atua.

⁴⁷ Na avane foi e Isaraelu uma i ona po o Serupapelu, ma ona po o Neemia o tufaaga a ē pepese ma leoleo faitotoa, o le aso ma lana mea; ma latou faasaina mea e sefulu a‘i mea mā sa Levī; ua faasaina foi e sa Levī o mea e sefulu a‘i mea mā le fanauga a Arona.