Mattheu 3 - Baasraak Sotho NT

Mattheu 3

¹ Matsatsing ao ha hlaha Johanne Mokolobetsi, a ntse a ruta lefeelleng la Judea,

² A re: Bakang, hobane mmuso wa mahodimo o atametse.

³ Hobane ke yena ya kileng a bolelwa ke moporofeta Esaia, ha a re: Lentswe la ya howang feelleng, le re: Hlekang mmila wa Morena, le lokise ditsela tsa hae.

⁴ Johanne yena o ne a apere seaparo sa boya ba kamele, a itlamile letheka ka leqhama la letlalo; mme dijo tsa hae e ne e le ditsie le dinotshi tsa naha.

⁵ Yaba ho tswela ho yena Jerusalema, le Judea yohle, le naha yohle e mathokong a Jordane.

⁶ Ba kolobetswa ke yena Jordane, ba ntse ba bolela dibe tsa bona.

⁷ Eitse ha a bona Bafarisi le Basadusi ba bangata ba tla kolobetsong ya hae, a re ho bona: Madinyane a marabe ke lona, le lemositswe ke mang ho balehela bohale bo tlang?

⁸ Ka hona, hlahisa litholoana tse tšoanelang pako.

⁹ Le se ke la nahana ho re ka ho lona: Re na le ntata rona Abrahama;

¹⁰ Mme jwale selepe se beilwe metsong ya difate;

¹¹ Haele nna, ke le kolobetsa ka metsi pakong;

¹² Seolo sa hae se letsohong la hae, mme o tla hlwekisa seotlo sa hae ruri, a bokelle koro ya hae modikong; empa mmoko o tla o tjhesa mollong o sa timeng.

¹³ Jwale Jesu a tloha Galelea a tla Jordane ho Johanne ho kolobetswa ke yena.

¹⁴ Empa Johanne a mo thibela, a re: Ke nna ke tshwanetseng ho kolobetswa ke wena, mme o tla ho nna na?

¹⁵ Jesu a araba, a re ho yena: “Lesa ho be jwalo jwale, hobane e ka kgona re phethe jwalo ho loka hohle. Yaba o mo dumella.

¹⁶ Eitse hobane Jesu a kolobetsoe, a phakisa a tswa ka metsing, mme bonang, mahodimo a phetlwa ho yena, mme a bona Moya wa Modimo o theoha jwaloka leeba, o theohela hodima hae.

¹⁷ Jwale lentswe le tswang lehodimong, le re: Enwa ke Mora wa ka ya ratwang, eo ke kgahliswang ke yena.