Mapisarema 93 - Shona Bible 1949 revised 2002

Jehovha ndiye Mambo mukuru

¹ Jehovha anobata ushe; akafuka umambo; Jehovha akafuka simba, akazvisunga chiuno naro; Nyikawo yakateyiwa, haingazununguswi.

² Chigaro chenyu choushe chakasimbiswa kubva kare; Imi muripo kubva pakusingaperi.

³ Jehovha, nzizi dzakanzwisa. Nzizi dzakanzwisa manzwi adzo; Nzizi dzinonzwisa kutinhira kwadzo.

⁴ Jehovha anokunda mazwi emvura zhinji, Namafungu ane simba egungwa, Jehovha, ari kumusoro, ndiye ane simba.

⁵ Zvipupuriro zvenyu ndezvamazvokwadi kwazvo; Utsvene unofanira imba yenyu, Jehovha, nokusingaperi.