JOSHUA INTRO1 - BUKUIT NE TILIIL Sireet ne Dutero KanonNg'aleek che indou Ki kiguurtoe kitabuuni chiito ne kinaat kot ne ki kiguure Joshua weeriitap Nun. Ki nam kandoinateet ko kagobata Musa ak ko kagomoong' piik eng' emetap Misiri. Ki indochi piigap Israel eng' ole ki kabagagee Musa agoi emetap kayomiset. Ki indochi Joshua lugoosyek che chaang' ye ki nyabani `piigap Israel Kanaan ak ye ki pchechingei emonooto kosupkei ak ortinwekwak taman ak aeng'. Ineeti kitabuuni kole ki toreti `Kamuktaindet ne Toroor piigap Israel eng' lugosyekwak tugul. Ibooru kora keele ki mi Kamuktaindet ne Toroor kobooto icheek nooto anyun ki kiguure ineendet Kiptaiyatap lugoosyek. Ki iboor inee kimnateennyi eng' kabelisyet ne ki ibelis ye kingo nyabani `piigap Israel emetap Kanaan. Teteetap Kaneetutik Konyapani `piigap Israel Kanaan 1:1—12:24 Kopcheei `piigap Israel emet 13:1—21:1-45 Kowekyingei pororyosyegap kong'asiis kebebertanywa 22:1-34 Kosaisereti `Joshua piik 23:1-16 Kileliti kayomiset ne po kayanjinet eng' Shekem 24:1-33 |
Kalenjin Revised Bible Catholic Edition © Bible Society of Kenya, 2015.
Bible Society of Kenya