JOEL INTRO1 - BUKUIT NE TILIIL Sireet ne Dutero KanonNg'aleek che indou Kitabuuni ko ki sirei Joel weeriitap Pethual. Nganda no, koma mwaiwech kitabuuni kiy agobo Joel anan tilyonutikyik kosiir kwan Pethuel. Kitabuutap Joel kotinyei kebeberwek aeng'. Kebeberta ne tai komwaei agobo kaboorunet ne po chereng'enyinik che chaang' kobookyin Judah ak Jerusalem ko uu lugeetap Kamuktaindet ne Toroor. Kaimutigap chereng'enyinik ak kemeut ko kergong'yetap Kamuktaindet ne Toroor eng' piikyik ak kaboorunet ne po peetuutap Kamuktaindet ne nyoonei. Kiguurei tisiik asi koguur piik koruguutkei ak koriirchi `pororyet Kamuktaindet agobo tengekwogikwak. Kebeberta ne po aeng' kegeree Judah kotinyei chaang'indap kesuutik, ma komi chereng'enyinik emet, ne kata riirek ko kalasunetap Kamuktaindet ne Toroor ne iwegu piikyik, ak koroong'jigei `Kabuusetap Kamuktaindet piikyik tugul. Siraat kora eng' kebeberita keele eng' kasarwechuuto po pichiindo ak kirwooget, koma chililee Judah ak Jerusalem kergong'yet, ago chilildos icheek che imang'u Kamuktaindet ne Toroor. Kisomani kora agobo Kamuktaindet ne Toroor ne nyoonei inyo korwookyin piigap pororyosyek alak, ak kora ineendet ko riibei ak koberuuri Judah ak Jerusalem. Mwaei keberwechuuto tuwai agobo peetuutap Kamuktaindet. Teteetap Kaneetutik Pirutik kobun chereng'enyinik 1:1—2:17 Kayomiset ne po kaweegunet 2:18-27 Peetuutap Kiptaiyat 2:28—3:21 |
Kalenjin Revised Bible Catholic Edition © Bible Society of Kenya, 2015.
Bible Society of Kenya