ISAIAH 4 - BUKUIT NE TILIIL Sireet ne Dutero Kanon

¹ Ak tuun namei kwonyiik tisabu muren agenge eng' peetuunooto, koleenji, “Ki ame amitwogikyok, ak kilaachi ngoroikyok; ago ngeguurtoenech kityo kaineng'ung'; istewech teweernatennyo.”

Toroornatetap Zion

² Korooronitu ak kotorooritu eng' peetuunooto temetap Kamuktaindet ne Toroor, ak ko telunotin ak ko korooron logoegap emet eng' icheek che kichililso eng' Israel.

³ Ak tuun kiguure ne itabaanat ineendet ne ki ng'et eng' Zion, ak Jerusalem, chiito age tugul ne ki kisir eng' che saptos eng' Jerusalem.

⁴ Ye tuun kagoundo Kamuktaindet ne Toroor simdap tiibiigap Zion, ak koundo korotiigap Jerusalem eng' kwenunnyi eng' kirwooget, ak eng' maat.

⁵ Yeityo koyai Kamuktaindet ne Toroor pooldet ak iyeto eng' peet kouur meng'ooteet tugul ne po tulweetap Zion, ak maat ne liplibeni ak ne iluu kemoi; amu tuchei toroornatet komugul kiit ne kiuure.

⁶ Ak tuun piitu emait ne tuun kiuure peet eng' kiptoret, ak koek ole kimwechin ak ole kiung'egei eng' usoonet ne oo ak ropta.