Тоололго 7 - Библи

Майхан һүмэдэ зорюулха тухай

¹ Моисейн майхан һүмэеэ татаад, тэрээндээ болон тэрэнэйнгээ бүхы хэрэгсэлнүүдтэ, үргэлэй шэрээ болон тэрэнэй бүхы хэрэгсэлнүүдтэ оливын тоһо түрхин арюудхаһанай хойно

² израильшуудай арбан хоёр ударидагша, тэдэнэй гэр бүлын эзэд, үе үенүүдэй тооень тоолон гаргагша дарганар ерэжэ,

³ Эзэндэ үргэхэ ашаанай бүрхөөгтэй зургаан тэргэ, тэдэ ашаанай тэргэнүүдтэ хоёр хоёроор хүллэжэ оруулха арбан хоёр сар асарба. Ударидагша бүхэн нэгэ нэгэ сар, хоёр ударидагша хамтаржа, нэгэ нэгэ тэргэ майхан һүмын урда асаржа, Эзэндэ бэлэглэбэ.

⁴ Эзэн Моисейдэ иигэжэ айладаба:

⁵ – Ударидагшадай эдэ үргэлнүүдые ши абажа, левидүүдтэ үгэ. Эдэ үргэлнүүд Уулзалгын майхан һүмэеэ ашаалжа зөөхэдэ хэрэгтэй болохо. Тиимэһээ эдэ бэлэгүүдые тэдэнэй хэхэ ажалда тааруулан хубаажа үгэ.

⁶ Моисей ашаанай тэдэ тэргэнүүдые болон сарнуудые абаад, тэдээнээ левидүүдтэ үгэбэ.

⁷ Тэдэнэй ажалда шухала хэрэгтэй болохо ашаанай хоёр тэргэ, дүрбэн сар Гэршооной хүбүүдтэ үгэбэ.

⁸ Санаарта Аһарооной хүбүүн Итамаарай хиналта ба ударидалган доро майхан һүмын ажалда хэрэглэхынь тула ашаанай дүрбэн тэргэ, найман сар Мэрариин хүбүүдтэ үгэбэ.

⁹ Теэд Кэһаадай хүбүүдтэ тэдэ бэлэгүүдһээ юуншье хүртэбэгүй. Ушар юуб гэхэдэ, тэдэнэр Нангин һүмэеэ ээм мүрэ дээрээ үргэлөөд ябаха ёһотой.

¹⁰ Үргэлэй шэрээе тоһодон арюудхалгын тэрэ үдэр ударидагшад өөһэд өөһэдынгөө үргэлнүүдые тахилганда зорюулжа, үргэлэй шэрээгэй урда табиба.

¹¹ Тиихэдэнь Эзэн Моисейдэ иигэжэ айладаба: – Үдэр бүри ударидагша бүхэн өөр өөрынгөө үргэлнүүдые шатаадаг үргэлэй шэрээдэ асаржа байг.

^12-88 Иимэ үргэлнүүдые үдэр бүхэндэ асарагшад: Үдэрнүүд Үенүүд Ударидагшад Нэгэдэхи үдэр Иудын Амминадаабай хүбүүн Нахшоон Хоёрдохи үдэр Иссахаарай Цуһаарай хүбүүн Нэтанээл Гурбадахи үдэр Зэбүлүүнэй Хэлооной хүбүүн Элиааб Дүрбэдэхи үдэр Рэүбээнэй Шэдэһүүрэй хүбүүн Элицүүр Табадахи үдэр Симеоной Цуришаддайн хүбүүн Шэлүмиһээл Зургаадахи үдэр Гаадай Дэүһээлэй хүбүүн Элиасаап Долоодохи үдэр Эпрааимай Аммиһүүдэй хүбүүн Элишамаа Наймадахи үдэр Мэнашшээгэй Пэдэцүүрэй хүбүүн Гамалиһээл Юһэдэхи үдэр Бэньямиинэй Гидеоной хүбүүн Абидаан Арбадахи үдэр Даанай Аммишаддайн хүбүүн Ахиээзэр Арбан нэгэдэхи үдэр Ашээрэй Охраанай хүбүүн Пагиил Арбан хоёрдохи үдэр Напталиигай Энаанай хүбүүн Ахираа Тэдэнэй хүн бүхэн иимэ бэлэг үргэлнүүдые асарба: зуун гушан шээкэлэй жэнтэй мүнгэн нэгэ аяга, далан шээкэлэй жэнтэй мүнгэн нэгэ аяга. Хамта: арбан хоёр мүнгэн аяга. Тэдэ хамтадаа хоёр мянга дүрбэн зуун сагаан мүнгэн шээкэлэй жэнтэй байба. Эдэ амһартанууд хилээмэн үргэлдэ асарһан оливын тоһо холиһон, тогтоомол хүндын шэгнүүртэй шэниисын гурилаар бариһан эдеэ хоолоор дүүргэгдэнхэй байха ёһотой. Хамта: арбан хоёр алтан бойпуур. Тэдэнэй хамтын шэгнүүр: зуун хорин шээкэл. Түгэс шатаалта үргэлдэ нэгэ буруун буха, наһаа хүсэһэн нэгэ хуса, нэгэ түлгэн хуса. Хамта: арбан хоёр буруун буха, арбан хоёр наһаа хүсэһэн хуса, арбан хоёр түлгэн хуса. Нүгэл сагааруулгын үргэлдэ нэгэ тэхэ. Хамта: арбан хоёр тэхэ. Амгалан байдалай түлөө үргэлдэ хоёр буха, наһаа хүсэһэн табан хуса, табан тэхэ, табан түлгэн хуса. Хамта: хорин дүрбэн буха, наһаа хүсэһэн жаран хуса, жаран тэхэ, жаран түлгэн хуса. Эдэ бүхы бэлэг-үргэлнүүд майхан һүмые болон тэндэхи үргэлэй шэрээе тоһоор түрхиһэн үдэр, тэдэниие арюудхаһан ушарта зорюулагдаба.

Үдэрнүүд Үенүүд Ударидагшад

⁸⁹ Моисей Эзэнтэй хөөрэлдэхэеэ Уулзалгын майхан һүмэ соо оробо. Тэндэхи хэлсээнэй ханза дээрэхи херүүбүүдэй хоорондохи талмайһаа Эзэнэй айладахыень дуулаба.