Тоололго 26 - Библи

Арад зоноо хоёрдохиёо тоололго

¹ Үхэл тахалай үнгэрхэдэ, Эзэн Моисейдэ болон Аһарооной хүбүүн санаарта Эльазаарта иигэжэ айладаба:

² – Израильшуудые уг угаарнь тоологты. Хоринһоо дээшэ наһатайшуулые тоологты. Израилиин сэрэгэй алба хэжэ шадаха бүхы эрэшүүлыень тоологты.

³ Ерихоон тушаа сэхэ урдань байдаг Иорданай хажуудахи Моһаабай тала газар дээрэ Моисей ба санаарта Эльазаар арад зондо иигэжэ хэлэбэ:

⁴ – Эзэнэй Моисейдэ айладаһан зарлиг дүүргэжэ, Египедһээ гаража эндэ ерэһэн хоринһоо дээшэ наһатай бүхы эрэшүүлэй тоое бүридхэн гаргагты.

⁵ Рэүбээн болбол Израилиин ехэ хүбүүн мүн. Рэүбээнэй хүбүүд: Эноохһоо – Эноохой ураг, Паллууһаа – Паллуугай ураг,

⁶ Хэцроонһоо – Хэцрооной ураг, Хармииһаа – Хармиин ураг эхилнэ.

⁷ Эдэ бүгэдэ Рэүбээнэй ураг болоно. Рэүбээнэй обогой урагуудай бүхы эрэшүүл 43 730 хүн болоно.

⁸ Паллуугай хүбүүн Элиааб.

⁹ Элиаабай хүбүүд: Нэмүһээл, Датаан болон Абираам болоно. Датаан Абираам хоёр Коорахай тала баригшадтай хамта Моисейн, Аһарооной болон Эзэнэй һургаал номнолдонь эсэргүү харша буһалгаа эмхидхээ бэлэй.

¹⁰ Тиихэдэнь Эзэн Коорахые болон тэрээнтэй үгэеэ үгэлсэгшэдые хэһээжэ, газар гантаагаад, тэдэниие амидыгаар газар доро булаа бэлэй. Тиигэжэ 250 хүн үхөө һэн. Иигэжэ тэдэ бусадта һэргылэлтэ болоо.

¹¹ Гэбэшье Коорахай гэр бүлынхид амиды үлөө һэн.

^12-13 Симеоной обогой урагууд: Обогууд Ураг Нэмүһээлһээ Нэмүһээлэй Ямиинһаа Ямиинай Яхиинһаа Яхиинай Зээрахһаа Зээрахай Саулһаа Саулай

Обогууд Ураг

¹⁴ Эдэ бүгэдэ Симеоной обогой урагууд. Тэдэнэй бүхы эрэшүүл 22 200 хүн болобо.

^15-17 Гаадай обогой урагууд: Обогууд Ураг Цэпоонһоо Цэпооной Хаггииһаа Хаггиин Шунииһаа Шуниин Ознииһоо Озниин Эрииһээ Эриигэй Ароодһоо Ароодой Арэлииһээ Арэлиин

Обогууд Ураг

¹⁸ Эдэ бүгэдэ Гаадай обогой урагууд байгаа. Тэдэнэй бүхы эрэшүүл 40 500 хүн болобо.

¹⁹ Иудын Ээр ба Онаан хоёр хүбүүд Ханаһаанай газар дайда дээрэ наһа бараа юм.

²⁰ Иудын бусад үринэр: Обогууд Ураг Шэлааһаа Шэлаанай Пээрэцһээ Пээрэцэй Зээрахһаа Зээрахай

Обогууд Ураг

²¹ Пээрэцэй үринэр: Обогууд Ураг Хэцроонһоо Хэцрооной Хамуулһаа Хамуулай

Обогууд Ураг

²² Эдэ бүгэдэ Иудын обогой урагууд байгаа. Тэдэнэй бүхы эрэшүүл 76 500 хүн болобо.

^23-24 Иссахаарай обогой урагууд: Обогууд Ураг Толааһаа Толаагай Пуввааһаа Пувваагай Яшуубһаа Яшуубай Шимроонһоо Шимрооной

Обогууд Ураг

²⁵ Эдэ бүгэдэ Иссахаарай обогой урагууд байгаа. Тэдэнэй бүхы эрэшүүл 64 300 хүн болобо.

²⁶ Зэбүлүүнэй обогой урагууд: Обогууд Ураг Сээрэдһээ Сээрэдэй Элоонһоо Элооной Яхлээлһээ Яхлээлэй

Обогууд Ураг

²⁷ Эдэ бүгэдэ Зэбүлүүнэй обогой урагууд байгаа. Тэдэнэй бүхы эрэшүүл 60 500 хүн болобо.

²⁸ Иосиф Мэнашшээ Эпрааим гэжэ хоёр хүбүүтэй байгаа. Хүбүүн бүхэнэйнь обогһоо өөһэдынь урагууд үргэлжэлөө юм.

²⁹ Мэнашшээгэй урагууд: Обогууд Ураг Махиирһаа Махиирай (Махиир болбол Галаадай эсэгэ) Галаадһаа Галаадай

Обогууд Ураг

^30-32 Галаадай үринэр: Обогууд Ураг Иээзэрһээ Иээзэрэй Хээлэгһээ Хээлэгэй Асриээлһээ Асриээлэй Шээхэмһээ Шээхэмэй Шэмидааһаа Шэмидаагай Хээпэрһээ Хээпэрэй

Обогууд Ураг

³³ Хээпэрэй хүбүүн Цэлопэһаад хүбүүдгүй, харин Маһлаа, Ноһаа, Хоглаа, Милкаа, Тирцаа гэжэ басагадтай байгаа.

³⁴ Мэнашшээдэ иимэ урагууд байгаа. Тэдэнэй бүхы эрэшүүл 52 700 хүн болобо.

^35-36 Эпрааим обогой урагууд: Обогууд Ураг Шүтэлааһаа Шүтэлаагай Бээхэрһээ Бээхэрэй Тааханһаа Тааханай Шүтэлаагай хүбүүн Араанһаа Араанай

Обогууд Ураг

³⁷ Эдэ бүгэдэ Эпрааимай обогой урагууд байгаа. Тэдэнэй бүхы эрэшүүл 32 500 хүн болобо. Булта эдэнэр Иосифой обогто оронод.

^38-39 Бэньямиинэй обогой урагууд: Обогууд Ураг Бээлэһээ Бээлын Ашбээлһээ Ашбээлэй Ахираамһаа Ахираамай Шэпупаамһаа Шэпупаамай Хупаамһаа Хупаамай

Обогууд Ураг

⁴⁰ Бээла Аард Наамаан гэжэ хоёр хүбүүтэй байгаа. Обогууд Ураг Аардһаа Аардай Наамаанһаа Наамаанай

Обогууд Ураг

⁴¹ Эдэ бүгэдэ Бэньямиинэй обогой урагууд байгаа. Тэдэнэй бүхы эрэшүүл 45 600 хүн болобо.

⁴² Даанай обогой урагууд: Обогууд Ураг Шухаамһаа Шухаамай Энэ ураг Даанай обогой саашанхи урагуудые үргэлжэлүүлнэ.

Обогууд Ураг

⁴³ Шухаамай урагай бүхы эрэшүүл 64 400 хүн болобо.

⁴⁴ Ашээрэй обогой урагууд: Обогууд Ураг Имнааһаа Имнаагай Ишвииһээ Ишвиигэй Бэрияаһаа Бэрияагай

Обогууд Ураг

⁴⁵ Бэрияагай үринэр: Хээбэрһээ Хээбэрэй Малхиһээлһээ Малхиһээлэй

⁴⁶ Ашээрэй басаган Сээраа гэжэ нэрэтэй байгаа.

⁴⁷ Ашээрэй обогой урагууд иимэ байгаа. Тэдэнэй бүхы эрэшүүл 53 400 хүн болобо

^48-49 Напталиигай обогой урагууд: Обогууд Ураг Яхцээлһээ Яхцээлэй Гунииһаа Гуниин Еэцэрһээ Еэцэрэй Шиллээмһээ Шиллээмэй

Обогууд Ураг

⁵⁰ Эдэ бүгэдэ Напталиигай обогой урагууд байгаа. Тэдэнэй бүхы эрэшүүл 45 400 хүн болобо.

⁵¹ Тиихэлээрээ Израилиин бүхы эрэшүүлэй тоо 601 730 хүн болобо.

⁵² Эзэн Моисейдэ иигэжэ айладаба:

⁵³ – Үе дамжан залгамжалагдаха хубаариин газарнуудые эдэ нэрэнүүдэй тоогоор хубаарилха ёһотойт.

⁵⁴ Хэн олон үри хүүгэдтэй гэр бүлэтэйб, тэрээндэ ехэ газар, хэн үсөөн хүүгэдтэй гэр бүлэтэйб, тэрээндэ бага газар үгэ. Тоо бүридхэлдэ ороһон гэр бүлынхидэй тоодонь тааралдуулжа, уг гарбалайнь ураг бүхэндэ хубаарита газар үгтэхэ ёһотой.

⁵⁵ Жээрэб хаяжа хубаариин газар хубаарилагдаад, урагай ахамад эсэгэнэрэй нэрээр тэдэ хубаариин газарнууд нэрлэгдэхэ ёһотой.

⁵⁶ Олон ба үсөөн хүнүүдтэй гэр бүлэ бүхэндэ хубаариин газар жээрэб хаялгаар хубаарилагдаха ёһотой.

⁵⁷ Мүн баһа левит обогой зон тоологдоо. Левиин обогой урагууд: Гэршоонһоо – Гэршооной ураг, Кэһаадһаа – Кэһаадай ураг, Мэрарииһээ – Мэрариин ураг эхилнэ.

⁵⁸ Мүн баһа Левиин урагууд: Либниигэй ураг, Хэброоной ураг, Маһлиин ураг, Мушиин ураг, Коорахай ураг. Амраам Кэһаат эсэгэтэй мүн.

⁵⁹ Амраамай һамган бологшо Левиин басаган Ёхээбэд гэжэ нэрэтэй байгаа. Тэрэ Египедтэ түрэһэн Левиин басаган бэлэй. Тэрэ Амраамда Аһароониие, Моисейе, тэдэнэй дүү басага Мириамые түрэһэн байна.

⁶⁰ Аһароонһоо Надааб, Абиһуу, Эльазаар, Итамаар түрөө юм.

⁶¹ Гэбэшье Эзэнэй урда хариин гал үргөөд, Надааб Абиһуу хоёр үхэһэн байна.

⁶² Нэгэ һараһаа дээшэ наһатай бүхы левит эрэшүүлэй тоое бүридхэн абахадань, тэдэнэр 23 000 хүн болобо. Гэбэшье тэдэнэр израильшуудай хамтын тоо бүридхэлдэнь ороогүй, Эзэнэй үгэһэн хубита газарта хүртөөгүй юм.

⁶³ Моисей ба санаарта Эльазаар хоёр Ерихооной сэхэ урдань байдаг Иорданай хажуудахи Моһаабай тэгшэ газар дээрэ байхадаа бүхы израильшуудай тооень бүридхэн абаа һэн.

⁶⁴ Олон жэлэй урда тээ Синайн сүл губида Моисей ба санаарта Аһароон хоёр бүхы израильшуудые тоолоо бэлэй. Теэд тэдэ хүнүүд булта үхэжэ, тэдэнэй нэгэнииньшье амиды үлөөгүй юм.

⁶⁵ Ушар юуб гэхэдэ, тэдэнэрые булта сүл губида үхэхэ гэжэ Эзэн айладаһан байгаа. Гэбэшье Епуннээгэй хүбүүн Халээб, Нүүнэй хүбүүн Иисүүс хоёр лэ амиды үлөө һэн.