Псалманууд 3 - Библи

¹ [Давидай псалма. Өөрын хүбүүн Абшалоомһоо тэрьедэн гүйжэ байхадаа Давидай бэшэһэн.]

² Эзэн! Хэды олон дайсадтай гээшэбиб! Урдаһаам угаа олон зон тулан бодоол!

³ «Бурхан тэрэниие абархагүй!» гэжэ нам тушаа олон зон хэлэнэ. [Хүгжэм]

⁴ Харин Та, Эзэн, минии бамбай мүн! Та намда илалта үршөөнэт, зориг намда үгэнэт.

⁵ Эзэниие шангаар дуудахадам, Тэрэ Өөрын нангин хада уулаһаа харюусаха. [Хүгжэм]

⁶ Хэбтэнэб, унтанаб, бодоноб, юуб гэхэдэ, Эзэн намайе аршална.

⁷ Намайе тойроошо түмэн зонһоо айнагүйб.

⁸ Эзэн, намайе аршалыт! Бурхамни, намайе абарыт! Дайсадайм үрүүе буталан эбдыт, муу зоной шүдэ түүрэ сохиит.

⁹ Гансал Эзэнһээ абарал буужа ерэхэ. Үреэлынь арад түмэндэнь тудаха. [Хүгжэм]