Псалманууд 2 - Библи

¹ Юундэ үндэһэ яһатан буһалгаалжа, арад түмэнүүд дэмы юумэ һанаашалнаб?

² Газарай хаашуул, засаглагшад хоорондоо үгэсэлдэн хэлсэжэ, Эзэнэй болон Бурханай табисууртын урдаһаа эсэргүүсэн бодобо.

³ «Хөөмэгшынь өөһэдын хүзүүнһээ буулгая, хүлилгыень өөһэдһөө хаяял!», – гэжэ хэлэнэ.

⁴ Тэнгэридэ байгаа сэнтииһээ Эзэн энеэжэ, тэдэниие баһан хүхихэл.

⁵ Тиигээд Тэрэ тэдэндээ уур сухал дундаа айладажа, уур хилэнгээрээ тэдэниие һүрдүүлэн,

⁶ «Өөрын нангин хада Сион дээр Өөрын хааниие табяаб», – гэхэ.

⁷ Би, хаан, Эзэнэй зарлигые тунхаглахам. Эзэн намда иигэжэ айладаа: «Ши Минии хүбүүнши, Мүнөөдэр Би Эсэгэшни болооб.

⁸ Намһаа гуй! Би үндэһэ арадуудые шинии мэдэлэй болгохоб, дэлхэйе заха хизаартайньшье шинии болгохоб.

⁹ Ши тэдэниие түмэр баягаар бута сохижо, дарханай бүтээгшэ шабар амһартанууд мэтээр тэһэ буталхаш».

¹⁰ Тиимэһээ, хаашуул, ухаалиг байгты, дэлхэйн удамаршад, һургаал абагты!

¹¹ Айжа, Эзэндэ алба хэгты. Шэшэрэн баясан байгты.

¹² Хүбүүень таалагты! Үгы һаатнай, Тэрэ уурлажа, харгы замдаа хосорхот. Юуб гэбэл, уур хилэнгынь гэнтэ аһаха-носохо юм. Абарал бэдэрэн, Тэрээндэ хандагша хүн бүхэн юрөөлтэй!