Псалманууд 102 - Библи

1 [Давидай зохёоһон.]

¹ [Давидай зохёоһон.] Сэдьхэлни, Эзэниие магта! Зүрхэмни, нангин нэрыень магтан дуула!

² Сэдьхэлни, Эзэниие магта! Хэһэн бүхы һайень бү марта!

³ Тэрэ бүхы гэм зэмыеш наманшална, бүхы үбшэ хабшангыеш эдэгээнэ,

⁴ ами наһыеш абарна, энэрэл хайра, үршөөлынь толгой дээрэшни титим болон табигдаа.

⁵ Хүсэхэдэшнил, Тэрэ һайн юумээр шамайе хангана, иигэжэ бүргэдтэл адли, ши залууш!

⁶ Эзэн дарлагдаһан бүхы зоной түлөө зүб шударга болон үнэн зүбые үйлэдэнэ.

⁷ Моисейдэ Өөрын харгы замуудаа харуулаа, Израилиин улад зондо гайхамшагта хэрэгүүдээ үзүүлээ.

⁸ Эзэн хадаа нигүүлэсхы, үршөөлтэй, тэсэбэритэй, энэрэл хайраар элбэг мүн.

⁹ Тэрэ хододоо бушаганажа байдаггүй, хэтэ мүнхэдөө уурлажа байдаггүй.

¹⁰ Маанадай хэһэн нүгэлэй хэмээр Тэрэ маанадта харюулдаггүй, гэм зэмэймнай түлөө дууһан бидэндэ амасуулдаггүй.

¹¹ Тэнгэриин газар дэлхэй дээгүүр хэр үндэр байһандал адли Тэрээнһээ түбэгшөөдэг зондо энэрэл хайрань агуу ехэ юм.

¹² Баруун зүгһөө хойто зүгэй хэр холо байдагтал адли Тэрэ гэм бурууемнай маанадһаа холодуулаа.

¹³ Эсэгын хүүгэдээ хайрладагтал адли Тэрэ Өөрһөөнь түбэгшөөдэг зониие хайрладаг.

¹⁴ Юуб гэхэдэ, Тэрэ юунһээ бидэнэй бүтээгдэһэниие мэдэнэ, маанадай тооһо шорой байһые һанажа байна.

¹⁵ Хүнэй наһан гээшэ үбһэнэй наһандал адли, тэрэ хээрын сэсэг шэнги ургажа хагдардаг.

¹⁶ Дээгүүрнь һалхинай үлеэхэдэ тэрэ үгы болодог, байһан газарыньшье танихын аргагүй.

¹⁷ Харин Эзэнэй энэрэл хайра Өөрһөөнь түбэгшөөдэг зондо мүнхэһөө мүнхэ, Зүб шударгань үри һадаһадтайнь хододоо байхал.

¹⁸ Энэнь хэлсээень сахигшадта, заабаринуудынь бэелүүлэгшэдтэ хабаатай.

¹⁹ Эзэн тэнгэридэ хан шэрээгээ залаа, бүхы дэлхэйе захирна.

²⁰ Тэрэнэй үгэ дууладаг, айладалынь дүүргэдэг, хүсэ шадалтай Эльгээмэлнүүдынь, Эзэндэ магтаал үргэгты!

²¹ Түмэн Сэрэгынь, зарасанарынь, захиралтынь дүүргэгшэд бултадаа Эзэниие магтагты!

²² Захирдаг бүхы газартань байгааша бүтээлнүүдынь болохо таанар бултадаа Эзэндэ магтаал үргэгты! Сэдьхэлни, Эзэниие магтан дуула!