3 যোহন 1 - Garo New Testament

¹ ইসলনি বিবিনি গিম্মিনো আংআ জেনা খা·সা আংনি উয়া খা·সাগিবা রিপ্পেং গাইয়চা উয়া বুদেফা দাল·গিবা আংআ ইয়া চিঠিখো চক্কিংজক।

² খা·সাগিবা রিপ্পেং, আংআ ইন্দাকে বি·আ জেদাক্কে না·আ গিম্মিক গিত্তা নাম্মেদাক্কে রি·য়া আরো গিসিকওনি না·আ জেগিত্তা নাম্মেদাক্কে রি·ইংজক উগিত্তান নাং·নি বে·এনবা নাম্মে দংখানা।

³ আংআ নাম্মেন খুসি হং·জক জে সময়ও মিত্তাম বিবিরা·গিবা জংআদারাং রি·বাএ নাং·নি বিদিংও ইন্দাকে সাক্ষি হন·জক, ইসলনি বিবিনা না·আ বিবিরা·না খ্রাগিবা হং·আ আরো উগিত্তান রি·ইংজক।

⁴ আংনি বি·সারাং ইসলনি বিবিও রি·ইংআ, ইয়া খাৎথাখো খিন্নানা বাত্তে দাল·বাতা হান·সেংআ আংনি আরবা দংজা।

⁵ খা·সাগিবা রিপ্পেং, হা·আইগিজাবা বিবিরা·গিবা জংআদারাংনা না·আ জেখো দাক্কিংজক উখো বিবিরা·না খ্রাগিবা হং·এন দাক্কিংজক।

⁶ মন্ডলীনি দিমদাকনি মিকখাংও বিসং নাং·নি খা·সানি খাৎথাখো আগানজক। ইসল জেদাক্কে খুসি হং·আ উয়ানদাক্কে না·আ বিসংনি রি·য়াংআনিখো দাক্কে হ·ন্নোদে নামনুয়া।

⁷ বিসং খ্রীষ্টনি গিম্মিনান হং·খাতজক আরো বিবিরা·গিজাগিবারাংচাখো মামুংখোন রা·চাকজা।

⁸ উনি গিম্মিন ইন্দাকগিবা মান্দিরাংনা আনচিংনি দাকচাকনা নাংআ, জেদাক্কে ইসলনি বিবিনা আনচিংবা বিসংনি কাম খা·রিমগিবা হং·আ।

⁹ আংআ মন্ডলীচা গি·সা চিঠি চক্কামিং, ইন্দিবা দিয়ত্রিফেস্‌ মন্ডলীও দাল·গিবা হং·না হা·ম্মা ইন্নে চিংনি খাৎথাখো মানিজা।

¹⁰ উনি গিম্মিন বিয়া জেখো দাক্কিংজক আংনি রি·বানি জা·মানো উখো দিমদাকনা হা·আইএতনুয়া। বিয়া আনচিংখো মিকনেংএ বু·আ খাৎথাখো বাং·এ আগানা। উয়োবা সুক মান·জাএ বিয়া আন·থাংবা জংআদারাংখো রা·চাকজাংজক আরো জেরাং বিসংখো রা·চাকনা হা·ম্মা বিসংখোবা ফেং·চাংজক আরো মন্ডলীওনিখো গাল্লেতিংজক।

¹¹ খা·সাগিবা রিপ্পেং, নামগিজাখো জা·রিকগিজা বাত্তেসা নাম্মাখো জা·রিকবো। জেআন নাম্মা কামখো দাক্কা বিয়া ইসলনি মান্দি হং·আ, আরো জেআন নামগিজা কামখো দাক্কা বিয়া ইসলখো নিকখুজা।

¹² দিমদাকান দীমীত্রিয়খো মিৎথেলিংজক, আরোবা, ইসলনি বিবিবা উখো দাক্কা। চিংআবা বিখো মিৎথেলিংজক। না·আদে হা·আইয়ান চিংআ জেখো আগানা উয়া বিবি হং·আ।

¹³ বাং·আ খাৎথাখোন আংনি নাং·না চকনা দংআমিং, ইন্দিবা কালি-কলমচা আংআ উখো চকনা হাম·জা।

¹⁴ ইন্দাকে খা·দংআ, থেংরিন নাং·খো নিকনুয়া, আরো উনো মিকখাংগ্রিকে আনচিং খু·সুক আগান্না মা·ন্নুয়া।

¹⁵ নাং·নি থম·থমা হং·খানা। নাং·নি রিপ্পেংরাং নাং·না সালাম হ·ন্নিংআ। উনি রিপ্পেংরাংনা সাকফ্রাকফ্রাকনা দিংথাং দিংথাং দাক্কে চিংনি সালামখো হন·বো।