Zekâya 9:6 - MUKANDA WA MYIDI MUKULU

⁶ Bantu ba bisamba bishilangane, nebasombe mu tshimenga tshia Asdode. Maweja-Nangila udi wamba ne: “Ke mundi mbutula bena Peleshete badi baditambisha nanku.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Bantu ba bende nebashikame mu Ashedodo, nengumushe malu adi Bena Peleshete baditumbisha nʼau.

Zekâya 9:6 교차 참조

Muambi 6:2

Tuambe ne: Mvidi Mukulu mmupeshe muntu kampanda bubanji, biuma ne lumu lunene. Muntu awu udi ne bionsu bidiye ujinga. Kadi Mvidi Mukulu kena musue bua asanke nabi to. Muntu mukuabu udi ubidia. Bualu abu mbualu bubi, ndikenga dipite bunene!

Yeshaya 23:9

Amu Maweja-Nangila muena bukole buonsu ke udi mujadike bualu ebu, bua kujikija ditambisha, dia bantu badi badipa lumu, bua kupepeja bantu aba, badibu banemeka pa buloba.

Yeshaya 28:1

Nuenu bena Efrayime, nuenu badi bakuathika maluvu, nudi bena diakabi. Nudi nuditambisha bua tshimenga tshienu tshia Samariya, tshidi bu tshikata tshia lumu, tshinuvua base kulu, tshitangilangane ne tshibandabanda tshidi ne madimi mimpe. Kadi tshiotshi tshidi amu bu tshifulu tshienza ne bilongu bimpe. Bilongu ebi bidi bifubidile pa mitu ya bakuatshiki ba maluvu.

Yirmeya 47:1

Umvuayi malu avua Maweja-Nangila muambile Yirmeya bua bena Peleshete. Uvua mumuambilewu pavua mukalenga wa Ejipitu kayi muanji kufika bua kuluisha tshimenga tshia Ngaza.

Amosa 1:8

Nenshipeshe mukalenga wa mu Asdode. Nenduishe mukalenga wa mu Askalone. Nenduishe bikole badi basomba mu Ekrone. Bena Peleshete bonsu nebafue. Meme Maweja-Nangila ndi njadika nanku.”

Sefanya 2:10

Ke muakabanyokabu, bualu bavua baditambisha, bapenda bantu ba Maweja-Nangila wa bukole buonsu, bamba ne: netununyenge buloba bua kudiundisha buetu.

Sefanya 2:4

Ngaza neashale dikolu. Askalone neabutuke. Badi basomba mu Asdode, nebabipate munda munya. Nebumushe bena Ekrone mu tshimenga tshiabu.

Zekâya 9:5

Pamona tshimenga tshia Askalone bidi bienzeka ebi, netshikuatshike bowa; tshimenga tshia Ngaza netshizakale; tshimenga tshia Ekrone netshipampakane, bualu katshiena mua kutekemena kabidi badi mua kutshiambuluisha. Mu tshimenga tshia Ngaza, kamuakuikala mukalenga kabidi. Bena mu tshimenga tshia Askalone nebaye nabu mu bupika.

Zekâya 9:7

Nempatule mukana muabu, minyinyi kayiyi mipatule mashi, nansha minyinyi buabu balambule mvidie. Bena Peleshete badi bashale ne muoyi, nebikale bantu banyi, anu bu bena diku kampanda mu tshisamba tshia Yuda. Bena Ekrone nebadisangishe ne bantu banyi, muvua bena Yebusa benza kale.

1 Petro 5:5

Nuenu kabidi bansonga, nutumikile bakulumpe. Kadi nuenu bonsu nudipuekeshe, nuambuluishangane. Bualu mbafunde mu Mukanda wa tshijila ne: “Mvidi Mukulu udi uluisha bena ditambisha. Kadi udi wambuluisha ne disanka badi badipuekesha.”