Zekâya 8:16 - MUKANDA WA MYIDI MUKULU

¹⁶ Telejayi munudi mua kuenza: Muntu yonsu ambile muanabu malu malelela. Mu tubadi tuenu nukose nsambu pa yoyi, nupingaje ditalala mu ditunga.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Nudi ne bua kuenza malu â. Ambilanganai mei a bushuwa, buonso buenu, muntu ne muntu ne muena mutumba nʼandi; kosai bilumbu mu bilumbuluidi bidi ku bibuelelu bia musoko ne kulumbulula kua bushuwa ne kua ditalala.

Zekâya 8:16 교차 참조

Misambu 15:2

— Ke muntu udi kayi kalema, wenza tshidi Mvidi Mukulu musue, wamba amu bidi bilelela.

Misambu 34:15

epuke bubi, enze bimpe, asuminyine ne dikeba bupole mu bantu.

Nsumuinu 12:17

Muntu udi wamba malu malelela patoke, udi wambuluisha bantu. Kadi udi ujadika malu a dishima, udi wambuluisha badi badinga bantu.

Nsumuinu 12:19

Malu malelela neashale kashidi. Kadi miaku ya dishima neishale katupa kipi.

Yeshaya 9:7

Maweja-Nangila uvua mulumbuluishe ndelanganyi ya Yakobe. Kupishaye bukalenga bua Izrayele.

Yirmeya 22:3

Udi wamba ne: Nukose tshilumbu tshionsu amu pa tshiotshi. Nupatule bantu badibu bakengesha mu bianza bia bantu badi biba bintu biabu. Kankengeshi muena tshimuangi, kanunyengi tshintu tshia muana nshiya, nansha tshia mukaji mukamba. Lekelayi kushipa mwaba ewu bantu kabayi ne bualu.

Yezekiyele 18:8

Kena usombeshangana makuta bua kuvudija biuma biende, nansha bua kupeta makasa, Kena wambuluisha benji ba bibi. Kadi udi ukosa bilumbu anu pa biobi.

Yezekiyele 45:9

Telejayi bidi Maweja-Nangila wamba ne: “Bakalenga bena Izrayele, nuvua bakoleshe malu bushiwa! Lekelayi malu a tshinyangu a kukengesha bantu, kanubanyengi bintu biabu, nuenze anu bimpe, nulonde anu njila wa malu mimpe. Kanuipatshi kabidi bantu banyi mu buloba buabu to. Meme Maweja-Nangila ndi nnutumina diyi edi.

Lewitiki 19:11

“Kanuibi. Nulekele dishima ne kudingila bena kuenu malu, bua kubakengesha.

Amosa 5:15

Nulekele malu mabi, nunange bidi bimpe. Nukose nsambu pa yoyi. Bumue Maweja-Nangila, Mvidi Mukulu wa bukole buonsu, neamone mua kufuila bantu ba ndekelu ba ku ndelanganyi ya Yozefe luse.

Amosa 5:24

Nukuate mudimu bua bakose nsambu pa yoyi; bua malu mempe adi bantu benzelangana, ikale bu misulu idi yuwula mayi tente, ipasalala, kayiyi ikama dituku nansha dimue.

Mika 6:12

Babanji badi mu tshimenga etshi, badi bakengesha bantu bakuabu. Bonsu badi basomba mu tshimenga etshi, badi bashima, badingangana.

Mika 6:8

Mbanulongeshe binudi ne bua kuenza, bidi Maweja-Nangila ujinga kudi bantu: udi unulomba bua nunemeke bantu ne bintu biabu, nuenzele bakuabu bimpe, nubanange, nuende bimpe mu njila udi Mvidi Mukulu wenu unuleja.

Sefanya 3:13

Bena Izrayele badi bashale ne muoyi, kabatshiena benza malu mabi, kabena bashima kabidi, kabena badinga kabidi bantu ne mishiku yabu. Nebadie, balale, muntu kayi ubakuatshisha bowa.”

Zekâya 7:9

“Kosayi nsambu pa yoyi, nuenzelangane malu mimpe, ne muoyi muimpe wa dinanga.

Zekâya 8:19

— Matuku anudi nujila biakudia, mu ngondu muinayi, muitanu, wa muanda mutekete, nansha wa dikumi, ku tshidimu tshionsu, neikale a tshibilu tshinene adi bena Yuda basanka, batshionkomoka. Kadi nuambilangane amu malu malelela, nukebe kabidi diakalenga dia bonsu!

Zekâya 8:3

Ke pandi ngamba ne: Nempingane mu Yerushalayime. Nensombe mu Siyone tshiakabidi. Bantu nebinyike Yerushalayime ne: ‘Tshimenga tshidi tshilamata Mvidi Mukulu.’ Mukuna wanyi wa Siyone, nebawinyike ne: ‘Mukuna wa tshijila.’

Matayi 5:9

Bantu badi basombesha bantu nabu mu bupole, ke bena diakalenga, bualu Mvidi Mukulu neabinyike ne: mbana banyi!

Efeze 4:17

Mu dina dia Mfumu, ndi nnuambila, nnujadikila se: kanuenji kabidi malu adi bantu badi kabayi bamanye Mvidi Mukulu benza, bualu badi balonda meji abu a patupu.

Efeze 4:25

Nanku lekelayi dishima. Muntu yonsu ambile mukuende bualu amu mudibu. Bualu tuetu bonsu tudi bidimba bia mubidi umue.

1 Tesalonike 4:6

Mu bualu ebu, muntu kadingi muntu nende, kamuenzedi bibi. Tukadi bamane kunuambilambila, banubele bikole ne: Mfumu neanyoke badi benza malu a nanku.

Didimanyisha 21:8

Kadi bena bukata, bantu badi bavila Mvidi Mukulu, bamutombokela, bashipianganyi, benji ba malu a bundu, benji ba malu a majimbu, batendeledi ba nwidie, ne bena dishima bonsu, nebabele mu mayi manene atema kapia ka mvuanda. Mayi manene aa ke lufu luibidi.