Zekâya 7:2 - MUKANDA WA MYIDI MUKULU

² Bena Betele bavua batume Sharesere, Regeme-Meleke, ne bantu bakuabu, mu nzubu wa Maweja-Nangila wa bukole buonsu. Bayua babatume bua kulomba luse kudi Maweja-Nangila,

Mukanda wa Nzambi Dihungila Dikulukulu ne Dihungila Dihia-dihia 2003

² Ba mu Betele bakadianjila kutuma Shalesê ne Legeme-meleke ne bantu babo bua kulombabo diakalengele kudi Yehowa;

Zekâya 7:2 교차 참조

1 Bakalenga 13:6

Pashishe mukalenga Yerobowame kuambila muambi ne: — Ndi nkusengelela ne: utendakene Maweja-Nangila Mvidi Mukulu webe bua amfuileku luse, ampingajile diboku dianyi edi muadi mua kale. Muambi kulomba Maweja-Nangila, diboku dia mukalenga Yerobowame kupingana muadi mua kale.

Ezela 2:28

mu misoku ya Betele ne Ayi, muvua bantu balume 223;

Ezela 6:10

Nanku, nebalambule Mvidi Mukulu wa mu diulu milambu idiye mua kuanyisha. Nebamutendelele bua mukalenga munene ne bana bende bakuate ku mundundu.

Ekesode 32:11

Moshe umvua nanku, kutendakenaye Maweja-Nangila Mvidi Mukulu wende, wamba ne: — Bantu aba mbantu bebe, wewe ke uvua mubapatule mu Ejipitu ku bukole buebe. Lekela kubafikila munda nanku,

Yeshaya 60:7

Nyama ya bena Kedare, neisangile kumpala kuebe. Mikoku ya bimpanga ya bena Nebayote neikale yebe. Nebaye nayi pa tshilambuilu tshia Maweja-Nangila. Neikale milambu idi ilengelela Maweja-Nangila. Mvidi Mukulu neavudije lumu lua nzubu wende bikole.

Yirmeya 26:19

Kadi mukalenga Izkiya ne bantu ba mu Yuda bavua bashipeshe muambi Mika anyi? Too. Kadi bavua amu bamanye ne: Maweja-Nangila ke udi wakula. Nanku bavua bakeba kutalaja tshiji tshiende. Diba adi, Maweja-Nangila kavua mubatumine dikenga divuaye muambe. Kadi mpindiewu, tuetu bashipe muntu ewu, netudikebele makenga makole.

Zekâya 6:10

— Angata bintu bia bavua mu bupika, bidibu batuale kudi Eldayi, Tobiya ne Yedaya. Uye lelu ewu kudi Yoziya, muana wa Sefanya. Kuende ke kuvua bantu abu batule, pavuabu bafume ku Babilone.

Zekâya 8:21

Bena mu tshimenga kampanda, nebambile bena mu tshimenga tshikuabu ne: — Tuyayi kutendelela Maweja-Nangila wa bukole buonsu. Tumusengelele bua atuele lupemba. Bobu nebandamune ne: — Eyo, tudi tuya nenu.

1 Samuele 13:12

Mvua muele meji ne: Bena Peleshete nebafike mu Ngilgale bua kutuluisha, katuyi banji kulambula mulambu bua Maweja-Nangila atuambuluishe. Ke pandi mulambule mulambu wa kuosha meme nkayanyi.