Zekâya 7:10 - MUKANDA WA MYIDI MUKULU

¹⁰ Kanukengeshi bakaji bakamba, bana ba nshiye, benyi nansha bapele. Kanuedi meji nansha makese, a kuenzelangana bibi.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Kanukengeshi bakashi ba mu lufuila, anyi bana ba nshiya, anyi muenyi, anyi bahele; muntu kahangidishi bualu mu mutshima wandi bua kuenzela muanʼabo bibi.

Zekâya 7:10 교차 참조

Misambu 140:2

Maweja-Nangila, unsungidile kudi bantu babi, umpandishe kudi bena tshikisu.

Misambu 21:11

Neushidishe ndelanganyi yabu pa buloba, ubutule lulelu luabu lujima.

Misambu 36:4

Bionsu bidiye wamba bidi amu bia dishima ne bia didinga. Mmupange meji, mmupange muoyi muimpe.

Misambu 72:4

Mukalenga akose nsambu ya bapele pa yoyi, ambuluishe bena dikenga, abutule badi babakengesha!

Ekesode 23:9

“Kanukengeshi muenyi, bualu nudi bamanye dikenga diende, bu munuvua penu benyi mu ditunga dia Ejipitu.

Nsumuinu 3:29

Kuedi meji a kuenzela muena mutumba nebe malu mabi. Udi usomba amu pabuipi nebe, mukutekemene.

Nsumuinu 6:18

lungenyi ludibu bakeba kuenza nalu malu mabi, makasa adi aya ku dienza dia malu mabi,

Yeshaya 1:23

Bamfumu benu bakadi bantomboji, badi bumvuangana ne bivi. Badi banyisha mabuejila, basue bonsu bua bantu babasankishe. Kabena bakuila bana ba nshiye ku kabadi! Kabena bateleja mukaji mukamba.

Yirmeya 18:18

Bantu bakuabu bavua bamba ne: “Tuyayi, tuelela Yirmeya tshitungu amu mpindiewu. Bualu batuangaji badi mua kutulongesha, tudi amu nabu. Tudi ne bena meji, bua bafile ngenyi. Tudi ne bambi badi mua kutumanyisha tshidi Mvidi Mukulu wamba. Tumufunde ku tshilumbu, katuteleji kabidi tshidiye wamba.”

Yirmeya 21:12

Nuenu bantu ba mu diku dia Davide, telejayi tshidi Maweja-Nangila wamba. Udi wamba ne: Ku dituku ku dituku panualumbulula bilumbu, nukose nsambu amu pa yoyi. Bantu badibu banyenga bintu biabu, nubapatule mu bianza bia badi babakengesha. Tshianana tshiji tshianyi netshijuke bu mudi kapia kadi kuosha bionsu, kapia kadi muntu kayi mua kujima. Bualu nuvua benze malu mabi mapite bungi.

Yirmeya 49:11

“Panuafua, meme nendishe bana benu ba nshiya, nendame bakaji benu bakamba bimpe.”

Yirmeya 5:28

Bena Izrayele badi badiunda bikole, mubidi wabu mmusenene. Kadi badi anu benza malu mabi, kabayi bapungila. Kabena bakosa nsambu pa yoyi, kabena bakuila bana ba nshiya mu bilumbu biabu, bua bamone mua kubinga. Kabena bambuluisha bapele, bua bapete bidibu ne bua kupeta.

Yirmeya 7:6

Kanukengeshi muntu muenyi, muana nshiya nansha mukaji mukamba. Kanushipi mu ditunga emu bantu badi kabayi ne bualu. Kanutendeledi mvidie ya bantu ba bisamba bikuabu bua kudikebela diakabi.

Yezekiyele 18:12

Udi ukengesha bapela ne bena dikenga. Udi wiba bintu bia bantu. Kena upingaja tshieya tshivua muena dibanza mumueyeke. Udi utendelela mvidie, wenza malu mabi, andi mbenga.

Yezekiyele 22:12

Muebe, badi bangata bantu ku mudimu, babafuta bua bashipe bantu bakuabu. Badi basombeshangana makuta bua kupeta kasombele ka bungi. Badi banyenga bintu bia muena mutumba bua kunema nabi. Kadi badi bampua muoyi kashidi meme Maweja-Nangila Mvidi Mukulu. Ke malu andi mujadike awu.

Yezekiyele 22:29

Miaba yonsu mu ditunga badi bakengesha bantu, biba bintu biabu. Badi bakengesha bapele ne bakengi. Badi batatshisha benyi, kabayi babanemeka.

Yezekiyele 22:7

Muebe, muntu kena unemeka tatuende nansha mamuende. Badi bakengesha benyi, batatshisha bana ba nshiya ne bakaji bakamba.

Amosa 4:1

Nuenu bakaji ba mu Samariya, telejayi: nudi badiunde bibi, bafuanangane ne ngombe ya mu Bashane. Telejayi tshindi nnuambila ne: badi kabayi ne bukole, nudi nubanyenga bintu biabu, nukengesha bapele, nuambila babayenu ne: “Koleshayi! Nututuadile maluvu!”

Zekâya 8:17

Kanuedi meji a kuenzelangana bibi. Nulekele kutshipa mitshipu ya dishima, bualu meme Maweja-Nangila tshiena muanyishe malu a nanku.”

Malaki 3:5

Mvidi Mukulu wa bukole buonsu udi ujadika ne: “Nemfike munkatshi muenu bua kunulumbuluisha. Nempishe lukasa bantu badi benza malu a majimbu, badi benda tshiendenda, badi baditshipa mitshipu ya dishima, badi babenga kufuta muena mudimu, badi bakengesha bakaji bakamba, bana ba nshiya ne benyi, nansha bonsu badi kabayi bantshina meme.”

Matayi 23:13

— Nuenu balongeshi ba mikenji ne Baparushe, nudi bena diakabi, bualu nudi bena mpala ibidi! Nudi nupangisha bantu, bua kababuedi mu Bukalenga bua mu diulu. Nuenu mene kanuena numubuela. Kanuena nansha banyishe bua babuelemu kudi badi bakeba kubuela. [

1 Korente 6:10

bivi, bena lukuka lua biuma, bakuatshiki ba maluvu, banyangi ba lumu lua bende, ne bantu badi banyenga bantu bintu ku bukole, kabakupeta muaba mu Bukalenga bua Mvidi Mukulu.

Dielulula 27:19

“Muntu yonsu udi unyangakaja tshilumbu tshia muana nshiya, tshia mukaji mukamba, nansha tshia muenyi udi munkatshi muenu, asangane muena tshibawu kuenza anyi?” Bonsu ne: “Enze!”

Yakobe 5:4

Kanuena bafute bena mudimu badi bakuate mudimu mu madimi enu. Nuteleje mudibu badila muadi! Mvidi Mukulu Maweja-Nangila wa bukole buonsu mmumvue mbila ya badi banowe biakudia bienu.

1 Yone 3:15

Muntu yonsu udi ukina muanabu mmushipianganyi. Nudi bamanye ne; mushipianganyi kena ne muoyi wa kashidi munda muende.