Zekâya 5:11 - MUKANDA WA MYIDI MUKULU

¹¹ Kungandamunaye ne: — Badi baya natshi ku Mezopotamiya. Nebatshiashile nzubu, pashishe nebatshienzele tshibumba, bua kutshitekapu.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Yeye wakangambila ne, Bua kutshiashila nsubu mu buloba bua Shinâ; hashikishabo kumujadikaku, nebatshishimikeku ha tshitekelu tshiatshi.

Zekâya 5:11 교차 참조

Genese 10:10

Bimenga binene bia kumpala bivua ku bumfumu buende bivua: Bahele, Ereke, Akade ne Kalne mu ditunga dia Babilone.

Genese 11:2

Kadi bumuke ku luseke ludi diba dipatukila, kusanganabu mpata munene mu ditunga dia Babilone. Kuasabu muaba awu.

Genese 14:1

Mu tshikondu atshi, bakalenga banayi, Amrafele, mukalenga wabena Babilone, Ariyoke, mukalenga wa bena Elazare, Kedorlayomere, mukalenga wa bena Elame, ne Tidale, mukalenga wa bena Ngoyime,

Yeshaya 11:11

Dituku adi Maweja-Nangila neenze tshiakabidi muende muonsu, bua kupikula bantu bende. Neapingaje kuabu bavua bashale ne muoyi mu ditunga dia Ashure ne dia Ejipitu, mu ditunga dia Patrose ne dia Kushe, mu Elame ne mu Babilone, mu Amate wa bena Arame, ne mu matunga a ku muelelu wa mayi manene.

Yirmeya 29:28

Ku tshilema tshiebe, Yirmeya uvua mua kututumina mukanda kunu, mu Babilone, bua kutuambila ne: nenushale matuku mavule mu bupika. Uvua mutufundile kabidi ne: nuase nzubu, nusombe, nudime, nudie binudi nunowa.”

Danyele 1:2

Maweja-Nangila kufila Yoyakime mu bianza bia Nebukadnesare, kabidi ne bintu bikuabu bia tshijila bia mu nzubu wa Mvidi Mukulu. Nebukadnesare kuya ne bena lukanu mu Babilone, kuteka bintu bia tshijila abi mu nzubu wa mvidie yende, mu tshibambalu tshia kulamina bintu.

Osheya 3:4

Nanku, bena Izrayele nebashale matuku a bungi kabayi ne mukalenga, kabayi ne bamfumu, kabayi ne milambu, nansha makunji a tshijila, kabayi kabidi ne binta bionsu bidi biambuluisha bua kumanya disua dia Mvidi Mukulu.

Zekâya 5:10

Meme kukonka mutumibue wa Mvidi Mukulu ne: — Badi baya ne tshibondu etshi penyi?

Luke 21:24

Nebabashipe ku muele wa nwita. Nebaye nabu mu matunga makuabu onsu, basuika nkanu. Bantu ba bisamba bikuabu nebanyange Yerushalayime, too ne pakumbana tshikondu tshiabu.

Dielulula 28:59

Nuenu kanuyi bakumbaje mikenji eyi, Maweja-Nangila neanukengeshe bikole, nuenu ne ndelanganyi yenu yonsu. Nenupete mputa ya lubangu ne masama makole mavule adibu kabayi mua kuondapa.